చిరంజీవి నెక్ట్స్ మూవీ ముహుర్తం ఫిక్స్...
- IndiaGlitz, [Sunday,March 05 2017]
'ఖైదీ నంబ‌ర్ 150' చిత్రంతో రీ ఎంట్రీ ఇచ్చిన మెగాస్టార్ చిరంజీవికి గ్రాండ్ వెల్‌క‌మ్ దొరికింది. బాహుబ‌లి త‌ర్వాత వంద‌కోట్ల షేర్ క‌లెక్ష‌న్స్‌తో సినిమాగా 'ఖైదీ నంబ‌ర్ 150' నిలిచింది. దీంతో చిరంజీవి త‌దుప‌రి ఎలాంటి సినిమా చేస్తాడోన‌ని అంద‌రూ ఆస‌క్తిగా ఎదురుచూస్తున్నారు.
చిరు ఈసారి డిఫ‌రెంట్‌గా అడుగేసి స్వాతంత్ర్యం కోసం ప్రాణాల‌ర్పించి బ్రిటీష్ వారితో పోరాడిన తెలుగు నేల‌కు చెందిన స్వాంతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత‌గాథను బేస్ చేసుకుని సినిమా చేయ‌డానికి సిద్ధ‌మ‌య్యాడు. ఈ సినిమాను సురేంద‌ర్ రెడ్డి తెర‌కెక్కించ‌నుండ‌గా, చిరు త‌న‌యుడు, మెగాప‌వ‌ర్ స్టార్ రాంచ‌ర‌ణ్ కొణెద‌ల ప్రొడ‌క్ష‌న్స్ బ్యాన‌ర్ నిర్మించ‌నున్నాడ‌ని స‌మాచారం. ఈ సినిమాను మార్చి 27న లాంచ్ చేయ‌బోతున్నార‌ని ఇండ‌స్ట్రీ వ‌ర్గాల టాక్‌.