ఖైదీ నంబ‌ర్ 150 చిత్రంతో మెగాస్టార్ చిరంజీవి రీ ఎంట్రీ అదిరింది. బాహుబ‌లి మిన‌హా తొలిసారి వంద‌కోట్ల షేర్ సాధించే దిశ‌గా అడుగులేస్తూ ముందు కెళ్తున్న చిరంజీవి త‌దుప‌రి సినిమాలు కూడా లైన్‌లో ఉన్నాయి. చిరంజీవి 151వ సినిమాకు సంబంధించి ప్రీ ప్రొడ‌క్ష‌న్ ప‌నులు స్టార్ట‌య్యాయి. సురేంద‌ర్ రెడ్డి ద‌ర్శ‌క‌త్వంలో చిరు సినిమా చేసే అవ‌కాశాలు ఎక్కువ‌గా క‌న‌ప‌డుతున్నాయి. ఈ సినిమాకు మ్యూజిక్ డైరెక్ట‌ర్‌గా ఎవ‌రినీ తీసుకుంటే బావుంద‌నే దానిపై పెద్ద చ‌ర్చ‌లే జ‌రిగాయ‌ట‌.

చిరు అండ్ టీం యంగ్ మ్యూజిక్ డైరెక్ట‌ర్ హిప్ హాప్ త‌మిళను మ్యూజిక్ డైరెక్ట‌ర్‌గా తీసుకునే అవ‌కాశాలు క‌న‌ప‌డుతున్నాయ‌ని స‌మాచారం. రీసెంట్‌గా రామ్‌చ‌ర‌ణ్ ధృవ సినిమాకు సూప‌ర్బ్ మ్యూజిక్ అందించి మంచి మార్కుల‌ను సంపాదించాడు హిప్ హాప్ త‌మిళ‌. చిరు 151వ సినిమాను కూడా రామ్‌చ‌ర‌ణ్ కొణిదెల ప్రొడ‌క్ష‌న్స్ బ్యాన‌ర్‌పై నిర్మిస్తున్నాడు.