ప్ర‌స్తుతం త‌న 152వ చిత్రం ‘ఆచార్య‌’ను రీస్టార్ట్ చేయడానికి మెగాస్టార్ చిరంజీవి ప్లాన్స్ చేసుకుంటున్నారు. కొర‌టాల శివ ద‌ర్శ‌క‌త్వంలో తెర‌కెక్కుతోందీ ఈ సినిమా. షూటింగ్ పూర్తి కాగానే చిరు పెద్ద‌గా గ్యాప్ తీసుకోకుండా త‌దుప‌రి సినిమాను స్టార్ట్ చేసేస్తార‌ట‌. ఇప్ప‌టికే చిరంజీవి రెండు సినిమాల‌ను స్టార్ట్ చేయాల్సి ఉంది. అందులో ముందుగా మ‌ల‌యాళ చిత్రం ‘లూసిఫ‌ర్‌’ను చిరు స్టార్ట్ చేస్తార‌ట‌. సినీ వ‌ర్గాల స‌మాచారం మేర‌కు వినాయ‌క్ ద‌ర్శ‌క‌త్వం వ‌హించ‌నున్న ఈ సినిమాకు ఆకుల శివ స్క్రీన్‌ప్లే, మాట‌ల‌ను రాశాడ‌ట‌. లేటెస్ట్‌గా చిరంజీవి ఈ సినిమా సెకండాఫ్ విష‌యంలో చాలా మార్పులు చేర్పులు చేయ‌మ‌ని సూచించాడ‌ట‌. దీంతో వినాయ‌క్ అండ్ టీమ్ సెకండాఫ్‌ను చిరుకి న‌చ్చేలా మార్పులు చేస్తున్నార‌ని స‌మాచారం.

వ‌చ్చే ఏడాది జ‌న‌వ‌రిలో ‘లూసిఫ‌ర్‌’రీమేక్‌ను స్టార్ట్ చేయాల‌ని మెగా క్యాంప్ అనుకుంటుంద‌ట‌. చిరు 153వ చిత్రంగా ‘లూసిఫ‌ర్‌’ రీమేక్ తెర‌కెక్క‌నుంద‌ట‌. కొణిదెల ప్రొడ‌క్ష‌న్ కంపెనీతో పాటు ఎన్.వి.ప్ర‌సాద్ ఈ చిత్రాన్ని నిర్మించ‌నున్నార‌ట‌. చిరంజీవితో ఠాగూర్‌, ఖైదీ నంబ‌ర్ 150 చిత్రాల‌ను తెర‌కెక్కించిన డైరెక్ట‌ర్ వినాయ‌క్ హ్యాట్రిక్ హిట్ కోసం ఆస‌క్తిగా ఎదురుచూస్తున్నాడ‌ట‌.