మ‌రోసారి అలాంటి టైటిల్‌తో మెగాస్టార్..!
- IndiaGlitz, [Saturday,December 05 2020]
వీలైనంత త్వ‌ర‌గా ఆచార్య సినిమాను పూర్తి చేసి లూసిఫ‌ర్ రీమేక్‌లో న‌టించాల‌ని చిరంజీవి భావిస్తున్నాడ‌ట. అందుకోసం దీనికి సంబంధించిన వర్క్ స్పీడ్ అప్ చేసింది మెగా క్యాంప్. ఈ సినిమా రీమేక్‌ను డైరెక్ట‌ర్ మోహ‌న్‌రాజా తెర‌కెక్కించ‌నున్నాడు. లేటెస్ట్ న్యూస్ ప్ర‌కారం ఈ సినిమాలో మ‌రోసారి రాయ‌ల‌సీమ బ్యాక్‌డ్రాప్‌ను చూపించ‌నున్నార‌ట. అంటే ఇది వ‌ర‌కు చిరంజీవి బ్లాక్‌బ‌స్ట‌ర్ మూవీ ఇంద్ర.. రాయ‌ల‌సీమ బ్యాక్‌డ్రాప్‌లోనే సాగింది. కాగా.. లూసిఫ‌ర్ రీమేక్‌లో చిరంజీవి పేరు బైరెడ్డి అని అందుక‌నే.. ఈ సినిమాకు బైరెడ్డి అనే టైటిల్‌ను అనుకుంటున్న‌ట్లు వార్త‌లు సోష‌ల్ మీడియాలో వినిపిస్తున్నాయి. మ‌ల‌యాళం లూసిఫ‌ర్ స్టైల్లోనే ఈ సినిమాలోనూ చిరంజీవికి ఎలాంటి పాట‌లు ఉండ‌వ‌ని కూడా స‌మాచారం.
మెగాస్టార్ చిరంజీవి 152వ చిత్రం 'ఆచార్య'. కొరటాల శివ దర్శకత్వంలో రూపొందుతోన్న ఈ సినిమా షూటింగ్‌ కోవిడ్‌ నేపథ్యంలో పునః ప్రారంభ‌మైన సంగ‌తి తెలిసిందే. ఆచార్యలో చిరంజీవి మాజీ నక్సలైట్ పాత్రలో కనిపించనున్నారు. అలాగే ఇందులో మెగాపవర్ స్టార్ రామ్ చరణ్ కూడా నక్సలైట్ నాయకుడిగా ఆకట్టుకోనున్నారు. దేవాదాయ శాఖలోని అవినీతిని ప్రశ్నించే కోణంలో ఆచార్య సినిమాను తగినంత కమర్షియల్ అంశాలతో కొరటాల తెరకెక్కిస్తున్నారు.