గ‌న్ ఫైరింగ్ నేర్చుకుంటున్న చిరు..
- IndiaGlitz, [Monday,November 05 2018]
మెగాస్టార్ చిరంజీవి త‌న 151వ చిత్రం 'సైరా న‌ర‌సింహారెడ్డి' చిత్రీక‌ర‌ణ‌లో బిజీగా ఉన్నారు. రీసెంట్‌గా జార్జియా షెడ్యూల్‌ను పూర్తి చేసుకున్న యూనిట్ హైద‌రాబాద్‌లో షెడ్యూల్‌కు సిద్ధ‌మ‌వుతోంది. ఈ షెడ్యూల్ కోసం చిరంజీవి గ‌న్ ఫైరింగ్‌లో శిక్ష‌ణ తీసుకుంటున్నారు. 2012లో ఓలింపిక్స్ కాంస్య ప‌త‌కాన్ని గెలుచుకున్న గ‌గ‌న్ నారంగ్ అకాడ‌మీలో చిరు శిక్ష‌ణ తీసుకుంటున్నారు.
అందుకోస‌మ‌ని గ‌గ‌న్ నారంగ్‌ను చిరంజీవి రీసెంట్‌గా కలిశారు. చిరుకి గంట‌కు పైగా గ‌న్ ఫైరింగ్‌లో మెళ‌కువ‌ల‌ను నేర్పించాడ‌ట గ‌గ‌న్. ఇద్ద‌రూ క‌లిసి ఉన్నఫోటోను గ‌గ‌న్ సోష‌ల్ మీడియాలో పోస్ట్ చేశారు. చిరంజీవి టైటిల్ పాత్ర పోషిస్తున్న ఈ చిత్రంలో అమితాబ్ బ‌చ్చ‌న్‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, న‌య‌న‌తార, త‌మ‌న్నా, నిహారికా త‌దిత‌రులు ఇత‌ర పాత్ర‌ల్లో న‌టిస్తున్నారు. సురేంద‌ర్ రెడ్డి ద‌ర్శ‌కుడు. రామ్‌చ‌ర‌ణ్ నిర్మాత.