రత్తాలుతో చిందేసిన ఖైదీ..!
- IndiaGlitz, [Saturday,December 31 2016]
మెగాస్టార్ చిరంజీవి ఖైదీ నెం 150 చిత్రంలోని ఒక్కో పాట‌ను రిలీజ్ చేస్తున్న కొణిదెల ప్రొడ‌క్ష‌న్ కంపెనీ టీమ్ ఈరోజు ర‌త్తాలు ర‌త్తాలు ఓసోసి ర‌త్తాలు...అంటూ సాగే ఐట‌మ్ సాంగ్ ను రిలీజ్ చేసారు. ఈ పాట‌ను చిరంజీవి, ల‌క్ష్మిరాయ్ ల‌పై చిత్రీకరించారు. రాఘ‌వ లారెన్స్ కొరియోగ్ర‌ఫీలో ఈ పాట‌ను చిత్రీకరించారు. ఐటం సాంగ్స్ కి ట్యూన్స్ ఇవ్వ‌డంలో స్పెష‌లిస్ట్ అయిన దేవిశ్రీ ప్ర‌సాద్ ఇచ్చిన ట్యూన్ అదిరింది.
ఈ ట్యూన్ కు త‌గ్గ‌ట్టు లారెన్స్ నృత్య దర్శకత్వంలో చిత్రీక‌రించిన చిరు స్టెప్స్ తెర పై చూస్తే థియేట‌ర్స్ లో ఫ్యాన్స్ విజిలేస్తే టాప్ లేచిపోవాల్సిందే అనేలా ఈ సాంగ్ ఉంది. ఈ పాట యుట్యూబ్ లో ఇలా పెట్టారో లేదో అప్పుడే రికార్డ్ స్ధాయి వ్యూస్ రావ‌డం విశేషం. ఇక ఖైదీ నెం 150 ప్రీ రిలీజ్ ఫంక్ష‌న్ ను జ‌న‌వ‌రి 4న విజ‌య‌వాడ‌లో భారీ స్ధాయిలో చేసేందుకు ఏర్పాట్లు చేస్తున్నారు. సంక్రాంతి కానుక‌గా ఖైదీ నెం 150 ప్రేక్ష‌కుల ముందుకు వ‌స్తుంది.