விஜய் படத்துக்குப் போட்டியாக மற்றொரு விஜய் படத்தின் ரீமேக்
- IndiaGlitz, [Wednesday,January 04 2017]
இளையதளபதி விஜய் நடித்த 'பைரவா' திரைப்படம் நேற்று சென்சாருக்கு சென்று 'யூ' சான்றிதழ் பெற்றது என்பதையும், இந்த படம் ஜனவரி 12ஆம் தேதி ரிலீஸ் ஆவது உறுதி செய்யப்பட்டது என்பதையும் ஏற்கனவே பார்த்தோம்.
இந்நிலையில் 'பைரவா' படத்திற்கு போட்டியாக தமிழில் ஒருசில படங்கள் ரிலீஸ் ஆகவுள்ள நிலையில், இன்னொரு விஜய் படமே தற்போது போட்டியாக களமிறங்கியுள்ளது. அதுதான் விஜய் நடித்த சூப்பர் ஹிட் படமான 'கத்தி' படத்தின் தெலுங்கு ரீமேக் படமான சிரஞ்சீவியின் 'கில்லாடி நம்பர் 150' என்ற திரைப்படம்
'கில்லாடி நம்பர் 150' திரைப்படம் 'பைரவா' ரிலீஸ் ஆவதற்கு ஒருநாள் முன்பே அதாவது ஜனவரி 11-ல் ரிலீஸ் ஆகிறது. சிரஞ்சீவிக்கு தமிழகத்திலும் அதிக அளவு ரசிகர்கள் இருப்பதால் பொங்கலுக்கு வெளியாகவுள்ள இந்த படமும் நல்ல வரவேற்பினை பெறும் என்று எதிர்பார்க்கப்படுகிறது. மேலும் இந்த படத்தில் விஜய்யின் ராசியான நாயகி காஜல் அகர்வால் நாயகியாக நடித்துள்ளார் என்பது குறிப்பிடத்தக்கது.