100కోట్ల షేర్ సాధించిన చిరు...
- IndiaGlitz, [Saturday,January 28 2017]
మెగాస్టార్ చిరంజీవి హీరోగా శ్రీమ‌తి సురేఖ కొణిదెల స‌మ‌ర్ప‌ణ‌లో కొణిదెల ప్రొడ‌క్ష‌న్ కంపెనీ బ్యాన‌ర్‌పై వి.వి.వినాయ‌క్ దర్శకత్వంలో రామ్ చ‌ర‌ణ్ నిర్మాత‌గా రూపొందిన చిత్రం 'ఖైదీ నంబ‌ర్ 150'. ఈ సినిమా సంక్రాంతి సంద‌ర్భంగా జ‌న‌వ‌రి 11న విడుద‌లైంది. దాదాపు ప‌దేళ్ళ త‌ర్వాత చిరు సినిమా రంగంలోకి రీ ఎంట్రీ ఇవ్వ‌డం, వినాయ‌క్ సినిమాను తెర‌కెక్కించిన తీరు, అన్ని సినిమాకు రిలీజ్ రోజు నుండి క‌లెక్ష‌న్స్ వ‌ర్షాన్ని కురిపించాయి. బాహుబ‌లి త‌ర్వాత నెక్ట్స్ రేంజ్ క‌లెక్ష‌న్స్‌ను సాధిస్తూ, కొత్త రికార్డుల‌ను క్రియేట్ చేసింది. విడుద‌లైన తొలి వారానికే 108కోట్ల గ్రాస్‌ను సాధించిన ఈ చిత్రం నేటికి 100 కోట్ల షేర్‌ను సాధించింది. సినిమాల్లో చిరు మ‌రోసారి మెగాస్టార్‌గా త‌నేంటో ప్రూవ్ చేసుకున్నారు.