కాలు దువ్వుతున్న చిరు హీరోయిన్....
- IndiaGlitz, [Saturday,February 20 2016]
హీరోయిన్ నగ్మా గురించి టాలీవుడ్ ప్రేక్షకులకు ప్రత్యేకంగా చెప్పనక్కర్లేదు. తెలుగులో చిరంజీవి సరసన ఘరానా మొగుడు, ముగ్గురు మొనగాళ్ళు వంటి ఎన్నో విజయవంతమైన చిత్రాల్లో నటించింది. ఓ దశకంలో స్టార్ హీరోయిన్ స్టేటస్ పొందిన నగ్మా తర్వాత కాంగ్రెస్ పార్టీ తరపున రాజకీయాల్లో చేరింది. జాతీయ కాంగ్రెస్ మహిళా ప్రధాన కార్యదర్శిగా ప్రస్తుతం పార్టీ కార్యక్రమాల్లో ఉన్న నగ్మా, ఇప్పుడు తమిళనాట అసెంబ్లీ ఎన్నికలకు కాంగ్రెస్ పార్టీ తరపున ప్రచారం చేస్తుంది. తనకు అధిష్టానం అనుమతినిస్తే తమిళనాడు రాజకీయాల్లో పోటీ చేస్తానని రాజకీయ నాయకులతో పోటీకి కాలు దువ్వుతుంది.