మెగాస్టార్ చిరంజీవి అభిమానులకు నిరాశ త‌ప్పేలా లేదు. ఎందుకంటే.. ఆయ‌న 151వ చిత్రం 'సైరా న‌ర‌సింహారెడ్డి' ఎంతో ప్రెస్టీజియ‌స్‌గా తెలుగు, త‌మిళం, మ‌ల‌యాళం, హిందీ భాష‌ల్లో విడుద‌ల‌వుతుంది. సురేంద‌ర్ రెడ్డి దర్శ‌క‌త్వంలో రామ్‌చ‌ర‌ణ్ ఈ చిత్రాన్ని నిర్మిస్తున్నారు. ఈ సినిమాను వ‌చ్చే ఏడాది స‌మ్మ‌ర్‌లో విడుద‌ల చేస్తామ‌ని నిర్మాత రామ్‌చ‌ర‌ణ్ తెలిపారు.

అయితే రీసెంట్‌గా సినిమా ఆగస్ట్‌కు వాయిదా ప‌డింద‌ని వార్త‌లు వినిపించాయి. అయితే ఇప్పుడు సినిమా మరింత ఆల‌స్య‌మ‌య్యేలా ఉంద‌ని వార్త‌లు విన‌వ‌స్తున్నాయి. స‌మాచారం ప్ర‌కారం చిరంజీవి యాక్ష‌న్ ఏపిసోడ్స్ చిత్రీక‌ర‌ణ ప‌ట్ల అసంతృప్తిగా ఉన్నాడ‌ట‌. అందువ‌ల్ల మ‌ళ్లీ రీషూట్స్ చేయ‌మ‌ని యూనిట్ చెప్పిన‌ట్లు వార్త‌లు విన‌ప‌డుతున్నాయి.

ఇదే క‌నుక నిజ‌మైతే సినిమా విడుద‌ల మ‌రింత ఆల‌స్య‌మవుతుంది. దాదాపు సినిమా విడుద‌ల వ‌చ్చే ఏడాది కూడా ఉండ‌క‌పోవ‌చ్చున‌ని 2020లోనే సైరా సంద‌డి ఉంటుంద‌ని గుస గుస‌లు విన‌ప‌డుతున్నాయి. చిరంజీవి సినిమా ఆల‌స్య‌మ‌య్యే కొద్ది మెగా అభిమానుల‌కు కాస్త నిరాశే క‌దా...