ఏంటి మెగాస్టార్ చిరంజీవి డైరెక్ష‌న్ చేయ‌బోతున్నాడా? అంటే అదేం లేదు.. అయితే ఆయ‌న ద‌ర్శ‌క‌త్వం మాత్రం చేశాడ‌ట‌. ఏ సంద‌ర్భంలో అనుకుంటున్నారా? ప‌్ర‌స్తుతం మెగాస్టార్ చిరంజీవి టైటిల్ పాత్ర‌లో న‌టిస్తున్న చిత్రం `సైరా న‌ర‌సింహారెడ్డి`. రామ్‌చ‌ర‌ణ్ నిర్మాత‌గా సురేంద‌ర్ రెడ్డి డైరెక్ట్ చేస్తున్న చిత్ర‌మిది. అయితే సురేంద‌ర్ రెడ్డి బుధ‌వారం సెట్‌కు గంట ఆల‌స్యంగా వ‌చ్చాడ‌ట‌. ఆలోపు చిరంజీవి యూనిట్ అంతా ఎందుకు ఖాళీగా ఉండ‌టం అని భావించి ఓ స‌న్నివేశాన్ని చిత్రీక‌రించాడ‌ట‌.

అలా అనుకోని సిచ్చువేష‌న్‌లో మెగాస్టార్ మెగాఫోన్ ప‌ట్టాడు. రెండు వంద‌ల కోట్ల రూపాయ‌ట బ‌డ్జెట్‌తో చిరంజీవి, అమితాబ్‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, న‌య‌న‌తార వంటి భారీ తారాగ‌ణంతో తెర‌కెక్కుతోన్న హిస్టారిక‌ల్ చిత్రం సైరా న‌ర‌సింహా రెడ్డి వ‌చ్చే ఏడాది స‌మ్మ‌ర్‌లో విడుద‌ల‌కు సిద్ధ‌మ‌వుతోంది.