మెగాస్టార్ టైటిల్ పాత్ర‌లో న‌టించిన చిత్రం `సైరా న‌ర‌సింహారెడ్డి`. ఈ సినిమాలో అమితాబ్ బ‌చ్చ‌న్‌, న‌య‌న‌తార‌, విజ‌య్ సేతుప‌తి, కిచ్చా సుదీప్‌, త‌మ‌న్నా, జ‌గ‌ప‌తిబాబు, ర‌వికిష‌న్ వంటి భారీ స్టార్ కాస్ట్‌తో పాటు మెగా ఫ్యామిలీ నుండి నిహారిక కొణిదెల ఈ చిత్రంలో కీల‌క పాత్ర‌లో న‌టించారు. అలాగే ప‌వ‌ర్‌స్టార్ ప‌వ‌న్‌కల్యాణ్ ఈ సినిమాకు వాయిస్ ఓవ‌ర్‌ను అందించాడు. అయితే మెగా ఫ్యామిలీలో హీరో, చిత్ర నిర్మాత ఈ చిత్రంలో ఎందుకు న‌టించ‌లేద‌ని చిరంజీవి ప్ర‌శ్నిస్తే, ఆయ‌న ఆస‌క్తిక‌ర‌మైన స‌మాధాన‌మిచ్చారు.

ఇంట‌ర్వెల్ ముందు వ‌చ్చే షేర్‌ఖాన్ అనే పాత్ర‌ను సంజ‌య్‌ద‌త్, స‌ల్మాన్‌ఖాన్‌ల‌లో ఎవ‌రో ఒక‌రితో చేస్తే బావుంటుంద‌ని అనుకున్నాం. అలాగే చ‌ర‌ణ్‌తో కూడా చేయిద్దామ‌ని మ‌రో అభిప్రాయం కూడా విన‌ప‌డింది. ఆ పాత్ర‌తో నాతో త‌ల‌ప‌డి యుద్ధం చేసే స‌మ‌యంలో సైరా నీలాంటి దేశ‌భ‌క్తుడు ఎంతో అవ‌స‌రం అంటూ నా చేతిలోని క‌త్తితో పొడుచుకుని చనిపోతుంది. చ‌ర‌ణ్ నా చేతిలో చ‌నిపోయేలా ఉండే ఆ పాత్ర‌లో న‌టిస్తే యాంటీగా అనిపిస్తుందనిపించింది. చివ‌ర‌కు స్క్రిప్ట్‌ను త‌గ్గించే క్ర‌మంలో పాత్రనే తీసేయాల్సి వ‌చ్చింది`` అన్నారు.

అక్టోబ‌ర్ 2న తెలుగు,హిందీ, త‌మిళ‌, మ‌ల‌యాళ‌, క‌న్న‌డ భాష‌ల్లో సినిమా భారీ రేంజ్‌లో విడుద‌ల‌వుతుంది. చిరుతో పాటు అమితాబ్‌, న‌య‌న‌తార‌, త‌మ‌న్నా, అనుష్క‌, విజ‌య్ సేతుప‌తి, కిచ్చా సుదీప్ .. త‌దిత‌ర భారీ తారాగ‌ణంతో రూపొందిన చిత్రం కావ‌డంతో సినిమాపై భారీ అంచ‌నాలు నెల‌కొన్నాయి.