టీడీపీ అధినేత, మాజీ ముఖ్యమంత్రి నారా చంద్రబాబు పుట్టిన రోజు నేడు. ఇవాళ్టితో ఆయన 70వ పడిలోకి అడుగుపెట్టారు. ఈ సందర్భంగా పలువురు రాజకీయ, సినీ ప్రముఖులు పుట్టిన రోజు శుభాకాంక్షలు తెలిపారు. కొందరు సోషల్ మీడియా వేదికగా శుభాకాంక్షలు తెలుపగా మరికొందరు ఫోన్‌ల ద్వారా.. ఇంకొందరు ప్రకటనల ద్వారా విషెస్ చెబుతున్నారు.

తాజాగా.. టాలీవుడ్ మెగాస్టార్ చిరంజీవి కూడా ట్విట్టర్ వేదికగా బాబు విషెస్ చేశారు. ‘అహర్నిశం ప్రజా సేవలో దశాబ్దాలుగా కొనసాగుతున్న మీ సంకల్పబలం అనితరసాధ్యం. కలకాలం మీకు సంతోషం, ఆరోగ్యం ప్రసాదించమని ఆ భగవంతుణ్ని కోరుతున్నాను. మీకు 70వ పుట్టినరోజు శుభాకాంక్షలు. మీ దూర‌దృష్టి, క‌ష్టించే త‌త్వం, మీ అంకిత భావం చాలా గొప్పవి’ అని బాబుతో కలిసున్న ఫొటోను మెగాస్టార్ ట్వీట్ చేశారు. ఈ ట్వీట్‌ను మెగాభిమానులు, టీడీపీ కార్యకర్తలు, చంద్రబాబు అభిమానులు పెద్ద ఎత్తున షేర్ చేస్తూ .. కామెంట్ల వర్షం కురిపిస్తున్నారు.