మెగాస్టార్ చిరంజీవి ప్రస్తుతం సేవా కార్యక్రమాలతో బిజీగా ఉన్నారు. ఆచార్య షూటింగ్ ఇంకా కొంత భాగం మిగిలి ఉంది. ప్రస్తుతం కోవిడ్ పరిస్థితుల దృష్ట్యా షూటింగ్ షూటింగ్ నిలిపివేశారు. కరోనా కేసులు తగ్గగానే తిరిగి షూటింగ్ ప్రారంభిస్తారు. కరోనా కష్ట కాలంలో ప్రజలని అందుకునేందుకు చిరంజీవి విరాళాలు, ఆక్సిజన్ సిలిండర్ల పంపిణి చేస్తున్నారు.

ఇదిలా ఉండగా చిరంజీవి తదుపరి చిత్రంపై ఆసక్తికర వార్తలు వస్తున్నాయి. మలయాళీ బ్లాక్ బస్టర్ లూసిఫెర్ రీమేక్ లో చిరంజీవి నటించబోతున్న సంగతి తెలిసిందే. తమిళ దర్శకుడు మోహన్ రాజా ఈ చిత్రాన్ని తెరకెక్కించనున్నారు. ఈ చిత్రానికి పవర్ ఫుల్ టైటిల్ ని ఫిక్స్ చేసినట్లు ప్రచారం జరుగుతోంది. 'కింగ్ మేకర్' అనే టైటిల్ ఆల్మోస్ట్ ఫైనల్ అయినట్లు తెలుస్తోంది.

చిరంజీవి ఇమేజ్ కు ఈ టైటిల్ పర్ ఫెక్ట్ గా సూట్ అవుతుందని భావిస్తున్నారు. స్క్రిప్ట్ పనులు కూడా పూర్తి కావచ్చాయట. ఈ ప్రాజెక్ట్ కు దర్శకుడు మారబోతున్నట్లు ఇటీవల ఊహాగానాలు వినిపించాయి. అయితే అందులో ఎలాంటి వాస్తవం లేదని..దర్శకుడిగా మోహన్ రాజానే కొనసాగబోతున్నట్లు తెలుస్తోంది.