మెగాస్టార్ చిరంజీవి 152వ చిత్రం ‘ఆచార్య‌’. మెసేజ్ మిక్స్ చేసిన క‌మ‌ర్షియ‌ల్ చిత్రాల‌ను తెర‌కెక్కించే ద‌ర్శ‌కుడు కొర‌టాల శివ ఈ చిత్రాన్ని తెర‌కెక్కిస్తోన్న సంగ‌తి తెలిసిందే. నిరంజ‌న్ రెడ్డి, రామ్‌చ‌ర‌ణ్ నిర్మాత‌లు. హైద‌రాబాద్‌లో చిత్రీక‌ర‌ణ శ‌ర‌వేగంగా జ‌రుగుతున్న సమయంలో కరోనా వైరస్ ప్రభావంతో చిత్రీకరణ ఆగింది. ఇప్పుడు సినీ పెద్ద‌లు షూటింగ్స్ నిమిత్తం ప్ర‌భుత్వాల ద‌గ్గ‌ర నుండి అనుమ‌తులు తీసుకునే ప‌నిలో ఉన్నారు. విధి విధానాల‌పై చ‌ర్చ‌లు జ‌రుగుతున్నాయి. త్వ‌ర‌లోనే రెగ్యుల‌ర్ షూటింగ్స్‌కు సంబంధించి ఓ క్లారిటీ రానుంది. నిజానికి జూన్‌లోనే షూటింగ్స్ స్టార్ట్ అవుతాయ‌ని అంద‌రూ అనుకున్నారు కానీ.. ప్ర‌భుత్వం నుండి షూటింగ్స‌కు సంబంధించి ఎలాంటి గ్రీన్ సిగ్న‌ల్స్ రాలేదు.

లేటెస్ట్ స‌మాచారం మేర‌కు ఆచార్య సినిమా నెక్ట్స్ షెడ్యూల్ ఆగ‌స్ట్‌లో స్టార్ట్ అవుతుంద‌ని వార్త‌లు విన‌ప‌డుతున్నాయి. ఈ షెడ్యూల్‌లో రెండు పాట‌లు, ఓ యాక్ష‌న్ ఎపిసోడ్‌ను చిత్రీక‌రిస్తార‌ని అంటున్నారు. ఈ షెడ్యూల్‌లో కాజ‌ల్ అగ‌ర్వాల్ కూడా పాల్గొంటుంద‌ని టాక్‌. ఈ చిత్రంలో చిరంజీవి మాజీ న‌క్స‌లైటు పాత్ర‌లో క‌న‌ప‌డ‌తార‌ట‌. ప‌ర్యావ‌ర‌ణ స‌మ‌తుల్యం దెబ్బ‌తిన‌నీయ‌కుండా పోరాడే వ్య‌క్తి పాత్ర‌లో క‌న‌ప‌డ‌తార‌ట‌. సినిమాలో చిన్నపాటి రాజ‌కీయాంశాలు కూడా ముడిప‌డి ఉంటాయ‌ట‌. అలాగే ఫ్లాష్ బ్యాక్‌లో మెగాప‌వ‌ర్ స్టార్ న‌క్స‌లైట్ లీడ‌ర్ పాత్ర‌లో క‌న‌డ‌ప‌డ‌తాడ‌ని, ఆ పాత్ర వ‌ల్ల‌నే చిరు మార్గ‌నిర్దేశం పొందుతాడ‌ని వార్త‌లు విన‌ప‌డుతున్నాయి.