చిరు 153కి ద‌ర్శ‌కుడు ఖ‌రారు...?
- IndiaGlitz, [Monday,April 13 2020]
ప్ర‌స్తుతం మెగాస్టార్ చిరంజీవి త‌న 152వ చిత్రం ‘ఆచార్య’ షూటింగ్‌లో బిజీగా ఉంటోన్న సంగ‌తి తెలిసిందే. ఈ సినిమా త‌ర్వాత చిరంజీవి ఎక్కువ గ్యాప్ తీసుకోవాల‌నుకోవ‌డం లేద‌ట. వెంట‌నే త‌న 153వ సినిమా మ‌ల‌యాళ చిత్రం ‘లూసిఫర్’ను స్టార్ట్ చేయాల‌నుకుంటున్నార‌ట. ఎప్ప‌టి నుండో ఈ విష‌యం తెలిసిందే. అయితే డైరెక్ట‌ర్ ఎవ‌ర‌నేదే ఇంకా ఇప్ప‌టి వ‌ర‌కు ఖ‌రారు కాలేదు. కానీ లేటెస్ట్ స‌మాచారం మేర‌కు సాహో ద‌ర్శ‌కుడు సుజిత్ ఈ సినిమాను తెర‌కెక్కించ‌బోతున్నాడ‌ట. అయితే మ‌రో ప‌క్క వి.వి.వినాయ‌క్ పేరు కూడా ప‌రిశీల‌న‌లో ఉన్న‌ట్లు వార్త‌లు వినిపించాయి.
కానీ విశ్వ‌స‌నీయ వ‌ర్గాల స‌మాచారం మేర‌కు లూసిఫర్ రీమేక్ బాధ్య‌త‌ల‌ను సుజిత్‌కు అప్ప‌గించార‌ట. ప్ర‌స్తుతం ఈ కుర్ర ద‌ర్శ‌కుడు స్క్రిప్ట్‌ను సిద్ధం చేసే ప‌నిలో బిజీగా ఉన్నాడంటున్నారు. ప్ర‌స్తుం కోవిడ్ 19 కార‌ణంగా మెగా క్యాంప్ ఈ సినిమా మేకింగ్ విష‌యంలో కాస్త గ్యాప్ ఇచ్చింద‌ట. ఈ నెలాఖ‌రున చిరు, సుజిత్‌తో ఈ సినిమా గురించి చ‌ర్చిస్తాడ‌ని, అంతా ఓకే అనుకుంటే త‌న 153గా రీమేక్‌కు సిద్ధ‌మైపోతార‌ని టాక్‌. కొణిదెల ప్రొడ‌క్ష‌న్ కంపెనీతో పాటు మ‌రో నిర్మాణ సంస్థ కూడా ఇందులో పార్ట‌న‌ర్ అవుతుంద‌ట. దాదాపు ఎన్.వి.ప్ర‌సాద్ నిర్మాణంలో భాగ‌మ‌వుతాడ‌ని వార్త‌లు విన‌ప‌డుత‌న్నాయి. కోవిడ్ 19, లాక్‌డౌన్ ఎత్తేయ‌గానే చిరు 153పై మ‌రింత క్లారిటీ రానుంద‌ట.