చిరు 150వ మూవీలో హీరోయిన్ ఫిక్స్..
- IndiaGlitz, [Monday,March 14 2016]
మెగ‌స్టార్ చిరంజీవి 150వ సినిమా చేయ‌డం ఖాయం అని తెలిసిన‌ప్ప‌టి నుంచి ఈ క్రేజీ మూవీకి డైరెక్ట‌ర్ ఎవ‌రు..? చిరు స‌ర‌స‌న న‌టించే హీరోయిన్ ఎవ‌రు..? ఇలా ర‌క‌ర‌కాల ప్ర‌శ్న‌లు. అయితే చిరు 150వ సినిమాలో హీరోయిన్ గా న‌య‌న‌తారను ప‌రిశీలిస్తున్నార‌ని వార్త‌లు వ‌చ్చాయి.
ఆత‌ర్వాత న‌య‌న‌తార రెమ్యూన‌రేష్ విని షాక‌య్యార‌ని...అందుచేత న‌య‌న‌తార ప్లేస్ లో వేరే హీరోయిన్ కోసం సెర్చ్ చేస్తున్న‌ట్టు మ‌రో వార్త బ‌య‌ట‌కు వ‌చ్చింది. అయితే తాజాగా చిరు 150వ సినిమాలో న‌టించేందుకు న‌య‌న‌తార ఓకే చెప్పిన‌ట్టు స‌మాచారం. ప్ర‌స్తుతం న‌య‌న‌తార విక్టరీ వెంక‌టేష్ తో బాబు..బంగారం సినిమాలో న‌టిస్తుంది. చిరు ప్ర‌స్తుతం రెండో కుమార్తె శ్రీజ పెళ్లి ప‌నుల్లో బిజీగా ఉన్నారు. క‌త్తి రీమేక్ గా రూపొంద‌నున్న చిరు 150వ సినిమాకి వినాయ‌క్ ద‌ర్శ‌క‌త్వం వ‌హిస్తున్నారు. ఈ క్రేజీ మూవీని ఏప్రిల్ మూడోవారంలో ప్రారంభించ‌నున్నారు.