మెగాస్టార్ చిరంజీవి 150వ చిత్రంలో న‌టించే హీరోయిన్ ఎవ‌రు అని గ‌త కొన్ని రోజులుగా వార్త‌లు వ‌స్తున్న విష‌యం తెలిసిందే. ఇక ఈ వార్త‌ల‌కు తెర‌దించుతూ కాజ‌ల్ అగ‌ర్వాల్ ను ఫైన‌ల్ చేసారు. ఈ భారీ ప్ర‌తిష్టాత్మ‌క చిత్రంలో న‌టించే హీరోయిన్ కోసం అనుష్క‌, న‌య‌న‌తార ఇలా... చాలా మంది హీరోయిన్స్ ను సంప్ర‌దించిన‌ప్ప‌టికీ ఎవ‌రు సెట్ కాలేదు. ఫైన‌ల్ గా కాజ‌ల్ అగ‌ర్వాల్ ను ఫిక్స్ చేసారు. ఈ చిత్రంలో న‌టించేందుకు కాజ‌ల్ భారీ రెమ్యూన‌రేష‌న్ అందుకోబోతుంద‌ని స‌మాచారం. ఆగ‌ష్టు మూడ‌వ వారం నుంచి కాజ‌ల్ ఈ మూవీ షూటింగ్ లో పాల్గొంటుంది. వినాయ‌క్ ద‌ర్శ‌క‌త్వంలో రామ్ చ‌ర‌ణ్ నిర్మిస్తున్న ఈ చిత్రం శ‌ర‌వేగంగా షూటింగ్ జ‌రుపుకుంటుంది. ప్ర‌స్తుతం మూడ‌వ షెడ్యూల్ ను హైద‌రాబాద్ లో జరుపుకుంటుంది.