మెగాస్టార్ చిరంజీవి 150 సినిమాకి సంబంధించిన ప‌నులు చ‌క‌చ‌కా జ‌రుగుతున్నాయి. ఈ చిత్రానికి వి.వి.వినాయ‌క్ ద‌ర్శ‌కుడు. మెగాప‌వ‌ర్ స్టార్ రామ్ చ‌ర‌ణ్ నిర్మాత‌. ఏప్రిల్ మూడోవారంలో ఈ ప్ర‌తిష్టాత్మ‌క చిత్రాన్ని ప్రారంభించి..మే నెల‌లో మొద‌టి షెడ్యూల్ చేయ‌డానికి ప్లాన్ చేస్తున్నారు. ప్ర‌స్తుతం ఈ సినిమాకి సంబంధించిన ఆర్టిస్టులు, సాంకేతిక నిపుణుల ఎంపిక జ‌రుగుతుంది. స‌ర్ధార్ ఆడియో వేదిక పై దేవిశ్రీప్ర‌సాద్ త‌న 150వ సినిమాకి సంగీత ద‌ర్శ‌కుడు అని చిరు ప్ర‌క‌టించిన విష‌యం తెలిసిందే.

ఇక అస‌లు విష‌యానికి వ‌స్తే...చిరు మూవీలో న‌టించే క‌మెడియ‌న్ ఎవ‌రో కాదు సునీల్. ఇటీవ‌ల చిరంజీవి స్వ‌యంగా సునీల్ కి ఫోన్ చేసి త‌న చిత్రంలో న‌టించాల‌ని చెప్ప‌గానే...అన్న‌య్యా ఓకే అని చెప్పాడ‌ట సునీల్. గ‌తంలో అంద‌రివాడు సినిమాలో చిరు - సునీల్ చేసిన కామెడీ ప్రేక్ష‌కుల‌ను ఎంత‌గానో ఆక‌ట్టుకుంది. మ‌రి..ఈ చిత్రంలో కూడా చిరు - సునీల్ త‌న‌దైన శైలిలో కామెడీ చేసి ప్రేక్ష‌కుల‌ను విశేషంగా ఆక‌ట్టుకుంటార‌ని ఆశిద్దాం.