చిరు 150వ సినిమా ఎనౌన్స్ మెంట్
- IndiaGlitz, [Saturday,October 03 2015]
మెగాస్టార్ చిరంజీవి 150వ సినిమా గురించి అటు అభిమానులు, ఇటు ఇండ‌స్ట్రీ ఎప్ప‌టి నుంచో ఎదురుచూస్తున్నారు. అయితే ఎట్ట‌కేల‌కు చిరు త‌న 150వ సినిమా గురించి బ్రూస్ లీ ఆడియో వేడుక‌లో ఎనౌన్స్ మెంట్ చేసారు. బ్రూస్ లీ ఆడియో వేడుక‌లో చిరు మాట్లాడుతూ...త‌న 150వ సినిమాకి త‌న‌యుడు చ‌ర‌ణ్‌, భార్య సురేఖ నిర్మాత‌లు అంటూ ప్ర‌క‌టించేసాడు.
బ్రూస్ లీ రిలీజ్ లోపు అంటే ఈనెల 16 లోపు పూర్తి వివ‌రాలు త‌న నిర్మాత‌లు చ‌ర‌ణ్‌, సురేఖ తెలియ‌చేస్తార‌న్నారు. ఈ ప్ర‌తిష్టాత్మ‌క చిత్రానికి డైరెక్ట‌ర్ వినాయ‌క్. ఈ విష‌యాన్ని అధికారికంగా త్వ‌ర‌లోనే ప్ర‌క‌టించ‌నున్నారు. న‌వంబ‌ర్ నుంచి రెగ్యుల‌ర్ షూటింగ్ ప్రారంభించి 2016 స‌మ్మ‌ర్ లో సినిమా రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.క‌త్తి రీమేక్ తో రీ ఎంట్రీ ఇస్తున్న చిరు ఈ సినిమాతో సెన్సేష‌న్ క్రియేట్ చేయ‌డం ఖాయం.