మెగా ప‌వ‌ర్ స్టార్ రామ్ చ‌ర‌ణ్ న‌టిస్తున్న తాజా చిత్రం ధృవ‌. సురేంద‌ర్ రెడ్డి ఈ చిత్రాన్ని తెర‌కెక్కిస్తున్నారు. గీతా ఆర్ట్స్ బ్యాన‌ర్ పై అల్లు అర‌వింద్ ఈ చిత్రాన్ని నిర్మిస్తున్నారు. ప్ర‌స్తుతం ఈ చిత్రం హైద‌రాబాద్ లో షూటింగ్ జ‌రుపుకుంటుంది. ఇదిలా ఉంటే.. రామ్ చ‌ర‌ణ్ ఫేస్ బుక్ లో ఫ్యాన్స్ తో వీడియో చాట్ నిర్వ‌హించారు. ఇలా ఫ్యాన్స్ తో వీడియో చాట్ చేయ‌డం చాలా సంతోషంగా ఉంది అంటూ వాళ్లు అడిగిన ప్ర‌శ్న‌ల‌కు చ‌ర‌ణ్ స‌మాధానాలు ఇచ్చారు. చ‌ర‌ణ్ ఫేస్ బుక్ వీడియో చాట్ విశేషాలు మీకోసం...

చిరంజీవి గారు ఎలా ఉన్నారు..?

నాన్న‌గారు బాగున్నారు. నాన్న గారి సినిమా షూటింగ్ చాలా బాగా జ‌రుగుతుంది. ఇప్ప‌టి వ‌ర‌కు మూడు షెడ్యూల్స్ పూర్తి చేసాం.

చిరంజీవి గారి 150వ సినిమా టైటిల్ క‌త్తిలాంటోడు అంటున్నారు నిజ‌మేనా..?

నాన్న‌గారి 150వ సినిమాకి క‌త్తిలాంటోడు టైటిల్ కాదు. ఇంకా ఏ టైటిల్ ని ఫైన‌ల్ చేయ‌లేదు. మంచి టైటిల్ కోసం చూస్తున్నాం. బ‌హుశా ఆగ‌ష్టులో 150వ సినిమా టైటిల్ ఏమిటి అనేది ఎనౌన్స్ చేస్తాం.

చిరంజీవి గారి 150వ సినిమా రిలీజ్ ఎప్పుడు..?

నాన్న‌గారి సినిమా సంక్రాంతికి రిలీజ్ చేయ‌నున్నాం.

ధృవ సినిమా ఎలా ఉంటుంది..?

ధృవ చాలా ఇంట్ర‌స్టింగ్ స‌బ్జెక్ట్. నాకు చాలా కొత్త‌గా ఉంది. సురేంద‌ర్ రెడ్డి చాలా బాగా తెర‌కెక్కిస్తున్నాడు. ఎంజాయ్ చేస్తూ వ‌ర్క్ చేస్తున్నాను.

ధృవ సెట్ లో జ‌రిగిన ఫ‌న్నీ మూమెంట్ గురించి చెబుతారా..?

ధృవ సెట్ లో ఫ‌న్నీ మూమెంట్ ఏమీ లేదు కానీ....ఒక విష‌యం చెప్పాలి. కాశ్మీర్ లో నాన్న‌గారు 40 సినిమాలు చేసారు. ఇప్పుడు నేను అక్క‌డ షూటింగ్ చేయ‌డం చాలా హ్యాపీగా అనిపించింది ఎంజాయ్ చేసాను. అంద‌రూ ఫ్యామిలీతో కాశ్మీర్ వెళ్లండి చాలా బాగా ఎంజాయ్ చేస్తారు.

ధృవ ఫ‌స్ట్ టీజ‌ర్ ఎప్పుడు రిలీజ్ చేయ‌నున్నారు..?

ధృవ ఫ‌స్ట్ టీజ‌ర్ స్వాతంత్ర్య దినోత్సవం సంద‌ర్భంగా ఆగ‌ష్టు 15న‌ రిలీజ్ చేయ‌నున్నాం.

ధృవ ఫ‌స్ట్ లుక్ బాగుంది. మూవీ రిలీజ్ ఎప్పుడు..?

ధృవ లుక్ మీ అంద‌రికీ న‌చ్చినందుకు థ్యాంక్స్. అక్టోబ‌ర్ ఫ‌స్ట్ వీక్ కుద‌ర‌క‌పోతే సెకండ్ వీక్ లో ధృవ చిత్రాన్ని రిలీజ్ చేయ‌డానికి ప్లాన్ చేస్తున్నాం.

ప‌వ‌న్ క‌ళ్యాణ్ బ్యాన‌ర్ లో మీరు న‌టించే సినిమా ఎప్పుడు..?

వ‌చ్చేసంవ‌త్స‌రం ఖ‌చ్చితంగా ఉండ‌చ్చు.

ప‌వ‌న్ క‌ళ్యాణ్ గారితో క‌లిసి ఎప్పుడు న‌టిస్తారు..?

నేను కూడా ప‌వ‌న్ క‌ళ్యాణ్ గారితో క‌లిసి న‌టించాల‌నుకుంటున్నాను.మంచి క‌థ కుదిరితే త‌ప్ప‌కుండా చేస్తాం.

మ‌హేష్ బాబు గురించి ఒక్క మాట‌లో చెప్ప‌మంటే ఏం చెబుతారు..?

మ‌హేష్ బాబు గురించి ఒక మాట‌లో చెప్పాలంటే...అమేజింగ్ ఏక్ట‌ర్ & వెరీ గుడ్ లుకింగ్ మేన్

ప్ర‌భాస్ గురించి చెప్ప‌మంటే..?

ప్ర‌భాస్ వెరీ ల‌వ్వింగ్ ప‌ర్స‌న్..

మీ ఫేవ‌రేట్ ఏక్ట‌ర‌స్ ఎవ‌రు..?

నాకు ఫేవ‌రేట్ ఏక్ట‌ర‌స్ అని ప్ర‌త్యేకించి ఎవ‌రు లేరు. అంద‌రి న‌ట‌న నాకు న‌చ్చుతుంది.

మ‌ల్టీస్టార‌ర్ మూవీస్ చేస్తారా..?

మ‌ల్టీస్టార‌ర్ మూవీ చేయ‌డానికి నాకు ఎలాంటి అభ్యంత‌రం లేదు. మంచి స్ర్కిప్ట్ కుదిరితే త‌ప్ప‌కుండా చేస్తాను. మ‌ల్టీస్టార్ చేసేందుకు త‌గ్గ మంచి స్ర్కిప్ట్ కోసం వెయిట్ చేస్తున్నాను..

క‌బాలి గురించి ఏం చెబుతారు..?

క‌బాలి గురించి అందరు ఎదురు చూస్తున్న‌ట్టుగానే నేను కూడా ఎదురు చూస్తున్నాను.

గౌత‌మ్ మీన‌న్ తో సినిమా చేస్తారా..?

గౌత‌మ్ మీన‌న్ సినిమాలంటే నాకు ఇష్టం. ఆయ‌న‌తో సినిమా చేయాల‌ని ఎప్ప‌టి నుంచో అనుకుంటున్నాను. త్వ‌ర‌లోనే గౌత‌మ్ మీన‌న్ తో సినిమా చేస్తాను.

మురుగుదాస్ తో మీరు సినిమా చేస్తే చూడాల‌నివుంది..మీరేమంటారు..?

నాకు కూడా మురుగుదాస్ తో సినిమా చేయాల‌ని ఉంది. అన్నీ కుదిరిన‌ప్పుడు ఖ‌చ్చితంగా మురుగుదాస్ తో చేస్తాను. అలాగే కొత్త డైరెక్ట‌ర్స్ తో కూడా త్వ‌ర‌లో చేస్తాను.

బాలీవుడ్ మూవీ మ‌ళ్లీ చేస్తారా..?

బాలీవుడ్ లో మంచి స‌బ్జెక్ట్ సెట్ అయితే చేస్తా.

మీ నెక్ట్స్ ప్రాజెక్ట్ ఎవ‌రితో..?

నా నెక్ట్స్ మూవీ సుకుమార్ తో ఉంటుంది. ఈ చిత్రాన్ని అక్టోబ‌ర్ లో ప్రారంభించ‌నున్నాం.

మెగా ఫ్యాన్స్ కి మీరు ఏం చెబుతారు..?

మంచి ప‌నులు చేయండి. ఎవ‌రైనా స‌రే..ఎక్క‌డైనా స‌రే..మంచి ప‌ని చేసి దానిని వీడియో తీసి... ఆ వీడియోను ఫేస్ బుక్ లో పోస్ట్ చేస్తే...బెస్ట్ వ‌ర్క్ సెలెక్ట్ చేసి వాళ్ల‌కి నాన్న‌గార్ని 150వ సినిమా సెట్ లో క‌లిసే అవ‌కాశం క‌ల్పిస్తాం. అలాగే స‌మాజానికి ఉప‌యోగ‌ప‌డేలా మేము ఇంకా ఏం చేస్తే బాగుంటుందో మాకు స‌ల‌హాలు ఇవ్వండి.