స‌ర్ధార్ వేదిక పై చిరు సినిమా ప్ర‌క‌ట‌న..
- IndiaGlitz, [Monday,March 21 2016]
స‌ర్ధార్ గ‌బ్బ‌ర్ సింగ్ ఆడియో వేడుక‌కు ముఖ్య అతిథిగా హాజ‌రైన చిరంజీవి ప‌నిలోపనిగా ఇదే వేదిక పై త‌న సినిమా గురించి కూడా ఓ ప్ర‌క‌ట‌న చేసేసారు. ఇంత‌కీ...చిరు త‌న సినిమా గురించి ఏ ప్ర‌క‌ట‌న చేసార‌ని తెగ ఆలోచిస్తున్నారా..? త‌మిళ్ మూవీ క‌త్తి రీమేక్ లో చిరు న‌టిస్తున్న విష‌యం తెలిసిందే. ఈ చిత్రంలో చిరు స‌ర‌స‌న న‌య‌న‌తార న‌టిస్తున్న‌ట్టు స‌మాచారం. సంచ‌ల‌న ద‌ర్శ‌కుడు వి.వి.వినాయ‌క్ ఈ చిత్రానికి ద‌ర్శ‌క‌త్వం వ‌హించ‌నున్నారు. అయితే ఈ క్రేజీ మూవీకి సంగీత ద‌ర్శ‌కుడు దేవిశ్రీప్ర‌సాద్ అంటూ చిరంజీవి స‌ర్ధార్ ఆడియో వేదిక పై ప్ర‌క‌టించారు.
మ్యూజిక్ డైరెక్ట‌ర్ అవ్వ‌క ముందు దేవిశ్రీ ఫాద‌ర్ స‌త్య‌మూర్తిగారు దేవిశ్రీని నా ద‌గ్గ‌ర‌కి తీసుకువస్తే...నీ టైమ్ బాగుంటుంద‌ని చెప్పి నా చేతికి ఉన్న వాచీని దేవిశ్రీప్ర‌సాద్ కి గిఫ్ట్ గా ఇచ్చాను. అప్ప‌టి నుంచి నేను చెప్పిన‌ట్టుగానే దేవిశ్రీ టైమే మారిపోయింది. ఎంత‌లా దేవిశ్రీ టైమ్ మారిపోయింది అంటే నిర్మాత‌ల‌కు టైమ్ ఇవ్వ‌లేనంత..నా 150 సినిమాకి మ్యూజిక్ చేయ‌మ‌ని చెప్పుదాం అనుకుంటే దేవిశ్రీ దొర‌క‌డం లేదు. ఇప్ప‌డు అభిమానులంద‌రి స‌మ‌క్షంలో చెబుతున్నాను నా 150వ సినిమాకి మ్యూజిక్ చేయాలి అని అంటే వెంట‌నే ఓకే అన్నాడు దేవిశ్రీ. అదీ సంగ‌తి.