கடந்த 1990 மற்றும் 2000ஆம் ஆண்டுகளில் தமிழ் சினிமாவின் முன்னணி காமெடி நடிகராக இருந்த சின்னி ஜெயந்த் தற்போது தனுஷின் 'தொடரி' படத்தில் ஒரு முக்கிய கேரக்டரில் நடித்து முடித்துள்ளார். அதுமட்டுமின்றி பிரபுசாலமன் தயாரிப்பில் அன்பழகன் இயக்கி வரும் 'ரூபாய்' என்ற படத்திலும் அவர் ஒரு முக்கிய வேடத்தில் நடிக்கின்றார்.

'ரூபாய்' படத்தில் பணத்திற்கு அடிமையாகும் ஒரு வயதான கேரக்டரில் அவர் நடித்திருப்பதாகவும் இந்த படத்தின் கெட்டப், அமிதாப் நடித்த 'பிக்கு' படத்தின் பாதிப்பால் வந்தது என்றும் தனது கேரக்டர் மெருகேறும் வகையில் அமைந்ததற்கு அமிதாப்பே காரணம் என்றும் பேட்டி ஒன்றில் கூறியுள்ளார். இந்த படத்தில் சின்னிஜெயந்த் மகளாக 'கயல்' ஆனந்தி நடித்துள்ளார் என்பது குறிப்பிடத்தக்கது.

மேலும் தனுஷின் 'தொடரி' படத்தில் ரயில்வே கண்ட்ரோல் ரூம் அதிகாரியாக நடித்திருப்பதாகவும், தனுஷ்-கீர்த்தி சுரேஷ் காதலுக்கு சப்போர்ட் செய்யும் இந்த கேரக்டர் தனக்கு நல்ல பெயரை வாங்கித்தரும் என தான் நம்புவதாகவும் அவர் கூறியுள்ளார்.