கிரிக்கெட் ரசிகர்களால் ‘சின்னத்தல’ என்று அன்புடன் அழைக்கப்படும் சுரேஷ் ரெய்னா தற்போது ஐபிஎல் போட்டியின் பயிற்சியில் ஈடுபடுவதற்காக சென்னை வந்துள்ளார் என்பது தெரிந்ததே. அவருடன் திரையுலக பிரபலங்கள் பலர் இணைந்து எடுத்த புகைப்படங்கள் சமூக வலைதளங்களில் வைரல் ஆகி வருகின்றன.

இந்த நிலையில் சமீபத்தில் குக் வித் கோமாளி நிகழ்ச்சியில் கலந்து கொண்டிருக்கும் போட்டியாளர்களில் ஒருவரான ஷிவாங்கி சின்னத்தலயுடன் எடுத்த புகைப்படத்தை தனது இன்ஸ்டாகிராமில் பதிவு செய்திருந்தார் என்பதும் அந்த புகைப்படம் மிகப்பெரிய அளவில் வைரலானது என்பதும் தெரிந்ததே.

இந்த நிலையில் ஷிவாங்கியை அடுத்து பிக்பாஸ் ஷிவானியும் தற்போது சின்னத்தலயுடன் புகைப்படம் எடுத்துள்ளார். இந்த புகைப்படத்தை அவர் தனது இன்ஸ்டாவில் பதிவு செய்திருக்கும் நிலையில் இந்த புகைப்படத்திற்கும் லைக்ஸ்கள் கமெண்ட்ஸ்கள் குவிந்து வருகிறது என்பது குறிப்பிடத்தக்கது.

இந்த புகைப்படம் இன்ஸ்டாவில் பதிவு செய்யப்பட்டு ஒருசில மணி நேரம் மட்டுமே ஆகியிருக்கும் நிலையில் இந்த புகைப்படத்திற்கு இதுவரை 2 லட்சத்துக்கும் அதிகமான லைக்ஸ்கள் கிடைத்துள்ளது என்பதும், ‘சின்னத்தல கூட மாஸ் காட்டுறீங்க’ ;நீங்க வேற மாதிரி’, ’தலைவி vs தலைவா’ போன்ற கமெண்ட்ஸ்கள் பதிவாகி வருகிறது என்பதும் குறிப்பிடத்தக்கது.