அமெரிக்காவின் லட்சணம் இதுதான்… செய்தி வெளியிட்டு பரபரப்பை கிளப்பும் ஊடகம்!
- IndiaGlitz, [Tuesday,August 24 2021]
ஆப்கானிஸ்தான் விவகாரத்தில் அமெரிக்காவை விமர்சித்து சீன அரசு ஊடகம் பரபரப்பு செய்தி வெளியிட்டு உள்ளது. அதில் கடந்த 20 வருடங்களுக்கு முன்பிருந்ததைப் போலவே அமெரிக்க இராணுவம் ஆப்கானிஸ்தானை விட்டுச் சென்றுள்ளதாக விமர்சித்து இருக்கிறது.
மேலும் 4 அதிபர்கள், 20 ஆண்டுகள், 20 ட்ரியல்லன் டாலர் பணம் மற்றும் 2,300 இராணுவ வீரர்களின் மரணத்திற்கு பின்னால் ஆப்கானிஸ்தான் மக்களுக்கு ஒன்றுமே கிடைக்க வில்லை என்றும் கடுமையாக கேலி செய்திருப்பதும் குறிப்பிடத்தக்கது.
கடந்த 20 வருடங்களுக்கு முன்பு பயரங்கரவாதத்திற்கு எதிரான போர் என்று கூறிக்கொண்டு தாலிபான்களுக்கு எதிராக அமெரிக்க இராணுவம் ஆப்கானிஸ்தானில் குவிந்தது. இதையடுத்து ஆப்கானிஸ்தானில் தாலிபான்களின் செயல்பாட்டைக் கட்டுக்குள் வைத்திருந்ததோடு வாக்கெடுப்பு அரசியலுக்கு ஆதரவு தெரிவித்து இருந்தனர். இதனால் ஆப்கானிஸ்தான் மக்கள் நிம்மதியாக வாழ்க்கை நடத்தியதோடு பெண்களுக்கான கல்வி மற்றும் தனியுரிமைகளும் பாதுகாக்கப்பட்டன.
ஆனால் தற்போது ஆப்கானிஸ்தானை விட்டு அமெரிக்க படை விலகிய வெறும் 10 தினங்களில் நிலைமை தலைகீழாக மாறியிருக்கிறது. இதுகுறித்து தாலிபான்களிடம் இருந்து மீட்ட ஆப்கானிஸ்தானை தற்போது மீண்டும் தாலிபான்களிடமே விட்டுச்சென்றதுதான் அமெரிக்காவின் லட்சணம் என்று சீன அரசு ஊடகமான ஷினுபா கடுமையாக விமர்சித்து இருக்கிறது.
மேலும் அமெரிக்கப்படை விலகிய பிறகு தற்போது ஆப்கானிஸ்தானில் இருக்கும் பயங்கரவாதப்படை இரட்டை இலக்கமாக அதிகரித்து இருப்பதாகவும் அந்த ஊடகம் தெரிவித்து இருக்கிறது. மேலும் தாலிபான்களுக்கு எதிரான அமெரிக்க இராணுவம் நடத்திய போரில் கிட்டத்தட்ட 1 லட்சம் ஆப்கன் மக்கள் கொல்லப்பட்டனர் என்றும் 1 கோடி பேருக்கும் அதிகமாக காயம் அடைந்தனர் என்றும் சீன அரசு ஊடகம் செய்தி வெளியிட்டு அமெரிக்காவை கடுமையாக வெறுப்பேற்றி வருகிறது.
When you feel life is going nowhere, just think: with
4 U.S. presidents
20 years
2 trillion dollars
2,300 soldiers' lives...
the regime of Afghanistan changes from Taliban to... Taliban pic.twitter.com/ZHI2OaIgxk
— China Xinhua News (@XHNews) August 22, 2021