మోదీ లద్దాఖ్ పర్యటనపై పరోక్షంగా స్పందించిన చైనా..
- IndiaGlitz, [Friday,July 03 2020]
లద్దాఖ్‌లో ప్రధాని నరేంద్ర మోదీ ఆకస్మికంగా పర్యటించి సైనికుల్లో ఉత్సాహాన్ని నింపిన విషయం తెలిసిందే. ఈ సందర్భంగా ఆయన అక్కడి అధికారులను కలిసి పరిస్థితులను అడిగి తెలుసుకున్నారు. భారత సేనలకు అవసరమైన ఆయుధాల విషయంలో పూర్తి శ్రద్ధ తీసుకుంటామని భరోసా ఇచ్చారు. అయితే లద్దాఖ్‌లో మోదీ పర్యటనపై చైనా పరోక్షంగా స్పందించింది.
ఆ దేశ విదేశాంగ శాఖ అధికార ప్రతినిధి జావో లిజియాన్ పరోక్షంగా మోదీ పర్యటనపై విమర్శలు గుప్పించారు. ప్రస్తుతం శాంతి కోసం ఇరు దేశాల మధ్య చర్చలు జరుగుతున్నాయన్నారు. ఈ సమయంలో ఏ ఒక్కరు కూడా పరిస్థితిని ఉద్రిక్తంగా మార్చే ఎలాంటి చర్యలకూ పాల్పడవద్దని సూచించారు.