సూర్య - మిర్యాల రవీందర్ రెడ్డిల సంయుక్త నిర్మాణంలో కార్తీ 'చినబాబు'
- IndiaGlitz, [Tuesday,May 01 2018]
తమిళ, తెలుగు భాషల్లో సమానమైన క్రేజ్ అండ్ స్టార్ డమ్ కలిగిన సూర్య, కార్తీ బ్రదర్స్ కాంబినేషన్ లో వస్తున్న సినిమా చినబాబు. తమిళనాట 2డి ఎంటర్ టైన్మెంట్స్ పతాకంపై తమ్ముడు కార్తీ హీరోగా రూపొందిస్తున్న కుట్టి సింగంను తెలుగులో ద్వారకా క్రియేషన్స్ పతాకంపై చినబాబుగా రూపొందిస్తున్నారు మిర్యాల రవీందర్ రెడ్డి. కార్తీ సరసన సయేషా కథానాయికగా నటిస్తున్న ఈ చిత్రానికి పాండిరాజ్ దర్శకత్వం వహిస్తుండగా.. ప్రియ భవాని శంకర్, సత్యరాజ్, భానుప్రియలు కీలకపాత్రలు పోషిస్తున్నారు.
ఈ సందర్భంగా నిర్మాత మిర్యాల రవీందర్ రెడ్డి మాట్లాడుతూ.. సాహసం శ్వాసగా సాగిపో, జయ జానకి నాయక లాంటి సూపర్ హిట్స్ అనంతరం కార్తీ హీరోగా తెరకెక్కిన చినబాబు తెలుగు రైట్స్ ను సొంతం చేసుకోవడం చాలా ఆనందంగా ఉంది. తమిళంలో ఈ చిత్రాన్ని సూర్య తన స్వంత నిర్మాణ సంస్థ 2డి ఎంటర్ టైన్మెంట్స్ పతాకంపై నిర్మిస్తుండడం విశేషం. తెలుగు వెర్షన్ రైట్స్ ను మాకు ఇచ్చినందుకు సూర్యగారికి నా కృతజ్ఞతలు. కార్తీ ఈ చిత్రంలో రైతుగా కనిపించనున్నాడు. మే 1న కార్మికుల దినోత్సవాన్ని పురస్కరించుకొని చినబాబు కొత్త పోస్టర్ ను విడుదల చేశాం. త్వరలోనే టీజర్, ఆడియో లాంచ్ మరియు రిలీజ్ డేట్స్ ను ఎనౌన్స్ చేస్తాం అన్నారు.
కార్తీ, సయేషా, ప్రియ భవానీ శంకర్, సత్యరాజ్, భానుప్రియ తదితరులు ముఖ్యపాత్రలు పోషిస్తున్న ఈ చిత్రానికి కెమెరా: వేల్ రాజ్, సంగీతం: డి.ఇమ్మాన్, సహ నిర్మాతలు: సి.హెచ్.సాయికుమార్ రెడ్డి-రాజశేఖర్ కర్పూర సుందర పాండ్యన్, నిర్మాతలు: సూర్య-మిర్యాల రవీందర్ రెడ్డి, కథ-స్క్రీన్ ప్లే-దర్శకత్వం: పాండిరాజ్.