'புலி'யின் புதிய சாதனை. சிம்புதேவன் நன்றி
- IndiaGlitz, [Saturday,August 29 2015]
இளையதளபதி விஜய் நடிப்பில் சிம்புதேவன் இயக்கியுள்ள 'புலி' படத்தின் டிரைலர் கடந்த 19ஆம் தேதி வெளியாகி மாபெரும் வரவேற்பை பெற்று வரும் நிலையில் தற்போது இந்த டிரைலரை பார்த்த பார்வையாளர்களின் எண்ணிக்கை 5 மில்லியனை தாண்டியுள்ளது. அதுமட்டுமின்றி 88,000க்கும் அதிகமான லைக்குகளையும் பெற்றுள்ளது. விரைவில் ஒரு லட்சம் லைக்குகளை இந்த டிரைலர் பெற்றுவிட வாய்ப்பு இருப்பதாக கருதப்படுகிறது.
5 மில்லியன் என்ற மிகப்பெரிய எண்ணிக்கை அந்தஸ்தை கொடுத்த ரசிகர்கள் அனைவருக்கும், 'புலி' படக்குழு சார்பாக இயக்குனர் சிம்புதேவன் நேற்று தனது சமூக வலைத்தளத்தில் நன்றி கூறியுள்ளார். 'புலி' திரைப்படம் ரிலீஸாக இன்னும் ஒரு மாதம் இருப்பதால் அதற்குள் இந்த எண்ணிக்கை இன்னும் ஒருசில மில்லியன்கள் அதிகரிக்கும் என எதிர்பார்க்கப்படுகிறது.
விஜய், ஸ்ருதிஹாசன், ஹன்சிகா, ஸ்ரீதேவி, சுதீப், பிரபு, நந்திதா ஸ்வேதா, ரோபோசங்கர், வித்யூலேகா ராமன், உள்பட பலர் நடித்துள்ள இந்த படத்திற்கு தேவிஸ்ரீ பிரசாத் இசையமைத்துள்ளார். இந்த படம் வரும் அக்டோபர் 1ஆம் தேதி உலகம் முழுவதும் பிரமாண்டமாக ரிலீஸ் ஆகவுள்ளது.