ஆந்திர மாநில முதலமைச்சர் ஜெகன்மோகன் ரெட்டியின் மகள் பாரீஸில் எம்பிஏ பட்டம் பெற்றதை அடுத்து இதுகுறித்த புகைப்படம் இணையதளங்களில் வைரலாகி வருகிறது.

ஆந்திர மாநில முதலமைச்சர் ஜெகன்மோகன் ரெட்டியின் மகள் ஹர்ஷா ரெட்டி பாரீஸில் எம்பிஏ படிப்பு படித்து வந்தார். இந்த படிப்பு முடிவடைந்ததை அடுத்து பட்டமளிப்பு விழா சமீபத்தில் நடைபெற்றது

இந்த விழாவில் கலந்து கொள்ள ஆந்திர முதல்வர் ஜெகன் மோகன் ரெட்டி மற்றும் அவருடைய மனைவி பாரீஸ் சென்றனர். தங்கள் மகளின் பட்டமளிப்பு விழா நிகழ்ச்சியில் கலந்து கொண்டது மிகவும் மகிழ்ச்சி என்றும் தங்கள் மகளின் ஒவ்வொரு வளர்ச்சியை பார்த்து கடவுளுக்கு நன்றி தெரிவித்துக் கொள்கிறோம் என்று முதல்வர் ஜெகன் மோகன் ரெட்டி தனது சமூக வலைத்தளத்தில் தெரிவித்துள்ளார்

முதல்வர் ஜெகன்மோகன் ரெட்டியின் மகள் ஹர்ஷா ரெட்டியின் பட்டமளிப்பு விழா குறித்த புகைப்படத்தை நடிகையும் அமைச்சருமான ரோஜா தனது சமூகவலைத்தளத்த்ல் பகிர்ந்துள்ள நிலையில் இந்த புகைப்படம் வைரலாகி வருகிறது.