சென்னை தி.நகர் ரெங்கநாதன் தெருவில் உள்ள சரவணா ஸ்டோர் கடைக்கு மர்ம நபர்கள் விடுத்த வெடிகுண்டு மிரட்டல் காரணமாக கடையின் உள்ளே இருந்த வாடிக்கையாளர்கள் அவசர அவசரமாக வெளியேறி வருகின்றனர்.

ரெங்கநாதன் தெருவில் பொருட்கள் வாங்க வரும் மக்களின் கூட்டம் தினமும் அதிகமாக இருக்கும். குறிப்பாக சனி, ஞாயிறு என்றால் கேட்கவே வேண்டாம். இந்த நிலையில் இன்று ரெங்கநாதன் தெருவில் உள்ள பிசியான கடைகளில் ஒன்றான சரவணா ஸ்டோர்ஸ் கடைக்கு வெடிகுண்டு மிரட்டல் விடுக்கப்பட்டுள்ளதாகவும் இதனையடுத்து கடையில் பணிபுரியும் ஊழியர்கள் கடையில் பொருட்கள் வாங்க வந்த வாடிக்கையாளர்கள் கடையிலிருந்து வெளியேற்றப்பட்டு வருவதாகவும் செய்திகள் வெளிவந்துள்ளது.

இதுகுறித்த தகவல் தெரிந்தவுடன் வெடிகுண்டு நிபுணர்கள் கடையில் உள்ள ஒவ்வொரு பகுதியையும் சோதனை செய்து வருகின்றனர். இதனால் அந்த பகுதியில் பரபரப்பு நிலவுகிறது