கொரோனா நிவாரண நிதியாக சென்னை சில்க்ஸ் கொடுத்த மிகப்பெரிய தொகை!
- IndiaGlitz, [Sunday,May 16 2021]
தமிழகத்தில் கொரோனா வைரஸை கட்டுப்படுத்த புதிதாக பதவியேற்ற முதல்வர் முக ஸ்டாலின் தலைமையிலான அரசு தீவிர நடவடிக்கை எடுத்து வருகிறது. ஊரடங்கு உள்பட பல்வேறு நடவடிக்கைகளை எடுத்து வரும் தமிழக அரசுக்கு ஒத்துழைக்கும் வகையில் திரை உலக பிரபலங்கள், தொழிலதிபர்கள், பொது மக்கள் தாராளமாக நிதி வழங்கி வருகின்றனர். ஏற்கனவே கோடி கணக்கில் லட்சக்கணக்கில் நிதி வழங்கியவர்கள் குறித்த தகவலை பார்த்தோம்
அந்த வகையில் தற்போது சென்னை சில்க்ஸ் அதிபர் தமிழக முதல்வரிடம் கொரோனா நிவாரண நிதியாக ரூபாய் ஒரு கோடி ரூபாயை அளித்துள்ளார். இன்று தமிழக முதலமைச்சர் முக ஸ்டாலின் அவர்களை தலைமைச் செயலகத்தில் சந்தித்து சென்னை சில்க்ஸ் மற்றும் குமரன் தங்கமாளிகை குழுமத்தின் மேலாண்மை இயக்குனர் நந்தகோபால் அவர்கள் கொரோனா நிவாரண பணிகளுக்கு முதலமைச்சர் நிவாரண நிதியாக ரூபாய் ஒரு கோடி காசோலையை வழங்கினார்
அப்போது நடைபெறும் சட்டமன்ற உறுப்பினருமான திரு. உதயநிதி ஸ்டாலின், திரு. ஏ. சி. வினித், திரு. வி.ஏ.ரவிந்திரன் ஆகியோர் உடனிருந்தனர் என்பது குறிப்பிடத்தக்கது.