பிரபல ரவுடி என்கவுண்டரில் சுட்டுக்கொலை: சென்னையில் பரபரப்பு
- IndiaGlitz, [Friday,August 21 2020]
கடந்த சில நாட்களுக்கு முன்னர் தூத்துக்குடியில் துரைமுத்து என்ற ரவுடியை பிடிக்க போலீசார் சென்றபோது துரைமுத்து வீசிய வெடிகுண்டால் சுப்பிரமணியம் என்ற போலீஸ் சம்பவ இடத்திலேயே உயிரிழந்தார். இதனை அடுத்து ரவுடி துரைமுத்துவை போலீசார் என்கவுன்டரில் சுட்டுக் கொன்றனர்
தூத்துக்குடியில் ரவுடி ஒருவரை போலீசார் என்கவுன்டர் செய்த பரபரப்பே இன்னும் நீங்காத நிலையில் தற்போது சென்னையிலும் ஒரு ரவுடி என்கவுன்டரில் சுட்டுக் கொல்லப்பட்டிருப்பதாக வெளிவந்திருக்கும் தகவல் பெரும் பரபரப்பை ஏற்படுத்தியுள்ளது
சென்னை அயனாபுரத்தை சேர்ந்த ரவுடி சங்கர் என்பவர் இன்று காலை என்கவுன்டரில் சுட்டுக் கொல்லப்பட்டார். கொலை வழக்கு உள்பட பல்வேறு வழக்குகளில் சிக்கியுள்ள ரவுடி சங்கர் இருக்குமிடம் போலீசாருக்கு ரகசிய தகவல் மூலம் தெரியவந்தது. இதனை அடுத்து சங்கரை பிடிக்க போலீசார் சென்றனர். அப்போது போலீசார் மீது ரவுடி சங்கர் தாக்குதல் நடத்தியதாக தெரிகிறது. இதனையடுத்து போலீசார் நடத்திய துப்பாக்கி சூட்டில் ரவிசங்கர் உயிரிழந்ததாக அறிவிக்கப்பட்டுள்ளது
எப்போது பரபரப்பாக இருக்கும் சென்னையின் அயனாவரத்தில் ரவுடி சங்கர் சுட்டுக் கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது
#BREAKING: சென்னை அயனாவரத்தில் என்கவுன்ட்டரில் ரவுடி சங்கர் சுட்டுக் கொலை
— Thanthi TV (@ThanthiTV) August 21, 2020
* கொலை வழக்கு ஒன்றில் போலீசார் பிடிக்கச் சென்றபோது போலீசாரை தாக்கிய ரவுடி சங்கர்
* போலீசார் நடத்திய துப்பாக்கிச் சூட்டில் ரவுடி சங்கர் உயிரிழப்பு#Chennai | #Ayanavaram pic.twitter.com/1MUCCn3nqa