விஜய் ரசிகர்களை கண்டுபிடிக்கும் தீவிர முயற்சியில் தமிழக போலீஸ்
- IndiaGlitz, [Monday,November 12 2018]
கடந்த சில நாட்களுக்கு முன் சர்க்கார் பட போஸ்டர்களை அதிமுகவினர் கிழித்த கோபத்தில் விஜய் ரசிகர்கள் என்ற பெயரில் இரண்டு பேர் வீடியோ ஒன்றை வெளியிட்டனர். இந்த விடியோவில் கையில் அருவாளை வைத்து கொண்டு வன்முறையினை தூண்டும் வகையில் பேசியது பெரும் பரபரப்பை ஏற்படுத்தியது.
இந்த நிலையில் விஜய் ரசிகர்கள் என கூறிக் கொண்டு அரிவாளுடன் சமூக வலைதளத்தில் வீடியோ வெளியிட்ட 2 பேர் குறித்த விவரம் தெரிந்தவர்கள் 044 - 23452348, 23452350 ஆகிய எண்களுக்கு தெரிவிக்க வேண்டும் என சென்னை மத்திய குற்றப்பிரிவு காவல்துறை அறிவித்துள்ளது. இதனால் பெரும் பரபரப்பு ஏற்பட்டுள்ளது.