பெண் பத்திரிகையாளர் குறித்து நடிகரும் பாஜக பிரமுகருமான எஸ்.வி,சேகர் தனது முகநூலில் தெரிவித்த சர்ச்சைக்குரிய கருத்தால் பெரும் பரபரப்பு ஏற்பட்ட நிலையில் அவர் மீது கொடுக்கப்பட்ட புகாரின் அடிப்படையில் வழக்கு தொடுக்கப்பட்டது.

இந்த வழக்கின் அடிப்படையில் எஸ்.வி,.சேகர் எந்த நேரத்திலும் கைது செய்யப்பட வாய்ப்பு இருப்பதாக கூறப்பட்ட நிலையில் எஸ்.வி.சேகர் தரப்பில் இருந்து முன் ஜாமீன் மனு தாக்கல் செய்யப்பட்டது. இந்த மனு இன்று சென்னை ஐகோர்ட்டில் விசாரணைக்கு வந்தது

இன்றைய விசாரணையின்போது புகார்தாரரின் முழுமையான வாதங்களை கேட்டறிந்த பின்னரே எஸ்.வி.சேகரின் கைது குறித்து உத்தரவிட முடியும் என்றும் அதற்கு முன்னர் எஸ்.வி.சேகரை கைது செய்ய போலீசாருக்கு தடை விதிக்க முடியாது என்று நீதிபதி ஜெகதீஷ் சந்திரா தனது உத்தரவில் தெரிவித்துள்ளார். எனவே நீதிபதியின் இந்த உத்தரவால் எஸ்.வி.சேகா் எந்த நேரத்திலும் கைது செய்யப்படலாம் என்று கூறப்படுகிறது