லேடி சூப்பர் ஸ்டார் நயன்தாரா நடிப்பில் சக்ரி டோலட்டி இயக்கிய 'கொலையுதிர் காலம்' திரைப்படம் வரும் வெள்ளியன்று வெளியாக இருந்த நிலையில் இந்த படத்தை வெளியிட இடைக்கால தடை விதித்து சென்னை உயர்நீதிமன்றம் உத்தரவிட்டுள்ளது.

'கொலையுதிர் காலம்' என்பது மறைந்த எழுத்தாளர் சுஜாதா எழுதிய மர்ம நாவல் ஆகும். இந்த நாவலை படமாக்க சுஜாதாவின் மனைவியிடம் இருந்து 'விடியும் முன்' என்ற படத்தின் இயக்குனர் பாலாஜி குமார் உரிமை பெற்றுள்ளார்.

இந்த நிலையில் தான் உரிமை பெற்ற நாவலின் டைட்டிலான 'கொலையுதிர் காலம்' டைட்டிலில் திரைப்படம் வெளியிடுவது காப்புரிமையை மீறிய செயல் என்றும் எனவே இந்த படத்தை வெளியிட தடை விதிக்குமாறும் பாலாஜி குமார் சென்னை உயர்நீதிமன்றத்தில் மனுதாக்கல் செய்திருந்தார்.

இந்த மனுவை விசாரித்த நீதிமன்றம், 'கொலையுதிர்காலம் படத்தை வெளியிட இடைக்கால தடை விதித்து மனுவுக்கு ஜூன் 21ஆம் தேதிக்குள் பதில் அளிக்குமாறு உத்தரவிட்டுள்ளது.