தயாரிப்பாளர் சங்க அலுவலகத்திற்கு வைக்கப்பட்ட சீலை அகற்றுங்கள் என சென்னை உயர்நீதிமன்றம் அதிரடி உத்தரவு ஒன்றை பிறப்பித்துள்ளது.

தயாரிப்பாளர் சங்கத்தில் உள்ள ஒருசிலர் நேற்று முன் தினம் அலுவலகத்திற்கு பூட்டு போட்ட நிலையில் நேற்று அந்த பூட்டை உடைக்க முயன்ற தயாரிப்பாளர் சங்க தலைவர் விஷால் கைது செய்யபப்ட்டார்.

இந்த நிலையில் நடிகர் விஷால் இதுகுறித்து சென்னை உயர்நீதிமன்றத்தில் வழக்கு தொடர்ந்தார். இந்த வழக்கு இன்று விசாரணைக்கு வந்த நிலையில் தேர்ந்தெடுக்கப்பட்ட சங்க நிர்வாகிகளை போலீஸ் தடுத்து நிறுத்தியது ஏன்? என்று கேள்வி எழுப்பியது. மேலும் உடனடியாக தயாரிப்பாளர் சங்க அலுவலகத்திற்கு வைக்கப்பட்ட சீலை அகற்றுங்கள் என்று உயர்நீதிமன்றம் அதிரடி உத்தரவு பிறப்பித்துள்ளது.

நேற்று விஷால் அளித்த பேட்டியின்போது நீதிமன்றத்தின் மீது தனக்கு நம்பிக்கை இருப்பதாக தெரிவித்திருந்தார். அந்த நம்பிக்கை இன்று இந்த உத்தரவின்மூலம் நிறைவேறியுள்ளது.