சென்னை ராயப்பேட்டையைச் சார்ந்த தொழிலாளர் ஒருவரின் மகள் லண்டனில் உயர்கல்வி பயின்று வந்தார். இந்நிலையில் கடந்த சில மாதங்களுக்கு முன்பு மகளை தொலைபேசியில் தொடர்பு கொள்ள முடியாத தந்தை காவல் துறையை நாடியதாகக் கூறப்படுகிறது. இந்த வழக்கை விசாரித்த மத்திய குற்றப்பிரிவு போலீஸார் கடந்த மே 28 ஆம் தேதி சென்னை மாணவி லண்டனில் கடத்தப்பட்டதாகவும் கடத்தலில் தீவிரவாதிகளுக்குத் தொடர்பு இருப்பதாகவும் தெரிவித்து இருந்தது.

இதனால் மத்தியக் குற்றப்பிரிவு அமைச்சகம் மாணவி கடத்தல் தொடர்பாக தீவிர விசாரணையை மேற்கொண்டிருக்கிறது. அந்த விசாரணையில் நஃபீல் என்பவர் மாணவியை கடத்தி மதமாற்றம் செய்ததாகக் கூறப்பட்டது. இந்த மதமாற்ற விவகாரத்தில் முக்கிய மதபோதகரான ஜாகீர் நாயக்குக்கு தொடர்பு இருப்பதும் தெரியவந்தது. மதமாற்ற விவகாரத்தில் எப்படி தீவிரவாதிகளுக்கு தொடர்பு ஏற்பட்டது என்பது பெரும் சந்தேகத்தை ஏற்படுத்திய நிலையில் இந்த வழக்கு கடந்த ஜுலை 11 ஆம் தேதி தேசிய புலனாய்வு அமைப்புக்கு மாற்றப்பட்டது.

இதுகுறித்து விசாரணை மேற்கொண்ட தேசியப் புலனாய்வு அமைப்பு சென்னை மாணவி லண்டனில் கடத்தப்பட்டது உண்மைதான், இந்தக் கடத்தலில் அரசியல்வாதியின் மகனான நஃபீர் என்பவருக்கு நேரடி தொடர்பு இருக்கிறது. மேலும் முக்கியப் மதபோதகரான ஜாகீர் நாயக்குக்கும் தொடர்பு இருக்கிறது. இவர்களை இந்தியாவிற்கு வரவழைத்து விசாரணை நடத்த நடவடிக்கை மேற்கொள்ளப்பட்டு வருகிறது எனவும் தெரிவித்து இருக்கிறது.