ரஜினிகாந்த் இ-பாஸ் விவகாரத்திற்கு முற்றுப்புள்ளி வைத்த சென்னை மாநகராட்சி ஆணையர்!
- IndiaGlitz, [Tuesday,July 28 2020]
சமீபத்தில் சூப்பர் ஸ்டார் ரஜினிகாந்த் அவர்கள் சமீபத்தில் தனது மகள் சவுந்தர்யா குடும்பத்தினருடன் கேளம்பாக்கம் சென்றார் என்றும் அது குறித்த புகைப்படங்கள் சமூக வலைதளங்களில் வைரல் ஆனது என்றும் தெரிந்ததே. மேலும் ரஜினிகாந்த் கார் ஓட்டிய புகைப்படம் சமூக வலைதளங்களில் வெளிவந்து ’லயன் இன் லம்போர்கினி’ என்ற ஹேஷ்டேக் உலக அளவில் வைரலானது என்பது குறிப்பிடத்தக்கது.
இந்த நிலையில் ரஜினிகாந்தின் இந்த புகைப்படத்தை பார்த்த சிலர் ரஜினிகாந்த் கேளம்பாக்கம் செல்ல இபாஸ் வாங்கினாரா? என்ற கேள்வியை எழுப்பினார்கள். இது குறித்து கேள்வி ஒன்றுக்கு பதிலளித்த சென்னை மாநகராட்சி ஆணையர் பிரகாஷ் அவர்கள் ’ரஜினிகாந்த் இபாஸ் வாங்கித்தான் கேளம்பாக்கம் சென்றாரா? என்பது குறித்து ஆய்வு செய்யப்படும் என்று கூறியிருந்தார்.
இந்த நிலையில் இந்த விவகாரத்திற்கு முற்றுப் புள்ளி வைக்கும் வகையில் சென்னை மாநகராட்சி ஆணையர் சற்று முன் கூறிய போது ’ரஜினிகாந்த் வாங்கித்தான் கேளம்பாக்கம் சென்று உள்ளார் என்றும் செங்கல்பட்டு மாவட்ட நிர்வாகத்திடம் இருந்து ரஜினிகாந்தின் இபாஸ் வாங்கியது ஆய்வில் தெரியவந்து உள்ளது என்றும் தெரிவித்துள்ளார். இதனை அடுத்து இந்த விவகாரத்திற்கு முற்றுப்புள்ளிபட்டுள்ளது என்பது குறிப்பிடத்தக்கது.