விஜய்யின் 'பைரவா' படத்தில் இணைந்த புதிய நடிகை
- IndiaGlitz, [Tuesday,September 06 2016]
பரதன் இயக்கத்தில் இளையதளபதி விஜய் நடித்து வரும் 'பைரவா' படத்தின் ஃபர்ஸ்ட்லுக் நேற்று வெளியாகி மிகப்பெரிய பரபரப்பை ஏற்படுத்தியது. உலக அளவில் இந்த ஃபர்ஸ்ட்லுக் சமூக வலைத்தளங்களில் டிரெண்ட் ஆனது. இந்நிலையில் இந்த படத்தின் படப்பிடிப்பு விறுவிறுப்பாக தற்போது சென்னையில் நடைபெற்று வருகிறது.
மேலும் இந்த படத்தில் விஜய்க்கு ஜோடியாக கீர்த்திசுரேஷும், இன்னொரு முக்கிய வேடத்தில் அபர்ணா வினோத்தும் நடித்து வருகின்றனர் என்பது தெரிந்ததே. இந்நிலையில் தற்போது இன்னொரு நடிகையாக சென்னை மாடல் அழகி திவ்யா தனபால் இணைந்துள்ளார். இவர் இந்த படத்தில் கீர்த்திசுரேஷின் தோழியாக நடித்து வருகிறார். சமீபத்தில் இவர் சம்பந்தப்பட்ட காட்சிகள் படமாக்கப்பட்டது.
இந்த படத்தில் விஜய்யுடன் நடித்த அனுபவம் குறித்து திவ்யா கூறியபோது, 'விஜய் இயற்கையிலே மிகவும் எளிமையானவர். அவருடன் நடிக்கும் மற்ற நடிகர்கள் தங்களுக்கு கொடுத்த டயலாக்குகளை ரிகர்சல் செய்து வரும் நிலையில், விஜய் ஜஸ்ட் தனது டயலாக்கை ஒருமுறை படித்து ஒரே டேக்கில் அபாரமாக நடிக்கும் தன்மையுடையவர். முதல் படத்திலேயே விஜய்யுடன் நடிக்கும் வாய்ப்பு எனக்கு கிடைத்தது மிகப்பெரிய அதிர்ஷ்டம்' என்று கூறியுள்ளார்.