1970களில் இருந்த அண்ணா சாலை: விஷால் படத்திற்காக போடப்படும் செட்!
- IndiaGlitz, [Thursday,April 21 2022]
கடந்த 1970களில் சென்னை அண்ணா சாலை இருந்த அமைப்பில் விஷால் படத்திற்காக செட் போடப்பட்டு வருவதாக தகவல்கள் வெளியாகியுள்ளன.
விஷால் நடிக்கவிருக்கும் ’மார்க் ஆண்டனி’ என்ற திரைப்படத்தின் அறிவிப்பு சமீபத்தில் வெளியானது என்பதும் ஆதிக் ரவிச்சந்திரன் இயக்கத்தில், ஜி வி பிரகாஷ் இசையில் உருவாகவுள்ள இந்த படத்தின் ஆரம்பகட்ட பணிகள் தொடங்கி விட்டதாகவும் தகவல்கள் வெளியாகி உள்ளன.
இந்த படத்தின் கதை கடந்த 1970களில் சென்னையில் நடந்த கதை என்பதால் 1970களில் சென்னை அண்ணாசாலை உள்பட பல முக்கிய இடங்களின் செட் சென்னையில் உள்ள ஸ்டுடியோ ஒன்றில் அமைக்கப்பட்டு வருகிறது. கலை இயக்குனர் உமேஷ் இந்த செட் அமைக்க பல ஆய்வுகள் செய்து 70களில் இருந்த சென்னை அண்ணா சாலையை அப்படியே நம் கண்முன் கொண்டு வரவுள்ளார்.
இந்த படத்தின் படப்பிடிப்பு மே முதல் வாரத்தில் தொடங்க இருப்பதாகவும் இந்த படம் தமிழ், தெலுங்கு, மலையாளம், கன்னடம் மற்றும் ஹிந்தி என பான் - இந்தியா படமாக உருவாக இருப்பதாகவும் தகவல் வெளியாகியுள்ளது. விஷால் முக்கிய வேடத்தில் நடிக்கும் இந்த படத்தில் எஸ்.ஜே.சூர்யா வில்லனாக நடிக்க உள்ளார் என்பது குறிப்பிடத்தக்கது.