வெங்கட்பிரபுவின் 'சென்னை 28' தொடங்குவது எப்போது?
- IndiaGlitz, [Thursday,January 28 2016]
கடந்த 2007ஆம் ஆண்டு வெங்கட்பிரபு இயக்குனராக அறிமுகமான படம் சென்னை 600028. ஜெய், சிவா, நிதின் சத்யா, விஜயலட்சுமி நடிப்பில் யுவன்சங்கர் ராஜா இசையில் உருவான இந்த படம் கிரிக்கெட் சம்பந்தப்பட்ட கதை என்பதால் இளைஞர்களை பெரிதும் கவர்ந்தது.
இந்த படத்தின் இரண்டாம் பாகத்தை வெங்கட்பிரபு இயக்கவுள்ளதாக கடந்த சில நாட்களாக செய்திகள் வெளிவந்து கொண்டிருக்கும் நிலையில் தற்போது இந்த படத்தின் இரண்டாம் பாகத்தின் படப்பிடிப்பு வரும் மார்ச் மாதம் முதல் தொடங்கும் என்றும் இந்த படத்திற்கு யுவன்ஷங்கர் ராஜா இசையமைக்கவுள்ளதாகவும் தகவல்கள் வெளிவந்துள்ளது.
முதல் பாகத்தில் நடித்த பெரும்பாலான நடிகர்களுடன் மேலும் ஒருசில நடிகர்கள் இந்த படத்தில் இணையவுள்ளதாகவும். இந்த படம் குறித்த முறையான அறிவிப்பு இன்னும் சில நாட்களில் வெளிவரும் என்றும் கூறப்படுகிறது.