சென்னை-28 இரண்டாம் பாகத்தில் 6 இயக்குனர்கள்
- IndiaGlitz, [Saturday,June 18 2016]
வெங்கட்பிரபு இயக்கிய முதல் படமான 'சென்னை 600028' திரைப்படம் சூப்பர் ஹிட் ஆனதை அடுத்து அந்த படத்தின் இரண்டாம் பாகத்தை அவர் தற்போது இயக்கி வருகிறார். முதல் பாகத்தில் நடித்த அனைவருமே கிட்டத்தட்ட இந்த இரண்டாம் பாகத்திலும் நடித்து வருகின்றனர்.
இந்த படத்தின் படப்பிடிப்பு தேனி பகுதியில் விறுவிறுப்பாக நடைபெற்று வந்தது. இந்நிலையில் இந்த படத்தில் ஐந்து இயக்குனர்கள் சிறப்பு தோற்றத்தில் நடித்துள்ளதாக செய்திகள் வெளிவந்துள்ளது. 'நளனும் நந்தியும்' படத்தை இயக்கிய இயக்குனர் வெங்கடேஷ், 'வடகறி' படத்தை இயக்கிய இயக்குனர் சரவணா, 'கனிமொழி' படத்தை இயக்கிய இயக்குனர் ஸ்ரீபதி, 'நவீன சரஸ்வதி சபதம்' படத்தை இயக்கிய இயக்குனர் சந்த்ரு, 'காவல்' படத்தை இயக்கிய இயக்குனர் நாகேந்திரன் ஆகியோர்கள் இந்த படத்தில் நடித்துள்ளனர். வெங்கட்பிரபுவையும் சேர்த்து மொத்தம் ஆறு இயக்குனர்கள் இந்த படத்தில் பணிபுரிந்துள்ளனர் என்பது குறிப்பிடத்தக்கது.
வெங்கட்பிரபுவின் சொந்த நிறுவனமான பிளாக் டிக்கெட் கம்பெனி தயாரிக்கும் இந்த படத்தில் ஜெய், சிவா, பிரேம்ஜி அமரன், நிதின் சத்யா, விஜய் வசந்த், வைபவ் ரெட்டி, மகத், விஜயலட்சுமி உள்பட பலர் நடித்துள்ளனர். இந்த படத்திற்கு யுவன்ஷங்கர் ராஜா இசையமைக்கின்றார். இந்த படத்தின் படப்பிடிப்பு மிக விரைவில் முடிந்துவிடும் என எதிர்பார்க்கப்படுகிறது.