பொண்டாட்டியிடம் அடி வாங்குபவரா வெங்கடேஷ் பட்.. வைரலாகும் ரொமான்ஸ் வீடியோ..!
- IndiaGlitz, [Tuesday,May 07 2024]
குக் வித் கோமாளி நிகழ்ச்சியின் மூலம் பிரபலமான செஃப் வெங்கடேஷ் பட் அந்த நிகழ்ச்சியின் ஐந்தாவது சீசனில் இருந்து விலகி சன் டிவியில் உருவாக இருக்கும் புதிய நிகழ்ச்சியான ’டாப் குக்கு டூப் குக்கு’ என்ற நிகழ்ச்சியை தொகுத்து வழங்க உள்ளார். இந்த நிகழ்ச்சி குறித்த முன்னோட்ட வீடியோக்கள் வெளியாகி வைரல் ஆகி வருகிறது என்பதை நாம் ஏற்கனவே பார்த்தோம்.
சன் டிவியில் ஒளிபரப்பாகும் இந்த நிகழ்ச்சி வெங்கடேஷ் பட் அவர்களை வேற லெவலுக்கு அழைத்துச் செல்லுமா என்பதை பொறுத்திருந்துதான் பார்க்க வேண்டும். அதுமட்டுமின்றி விஜய் டிவியில் குக் வித் கோமாளி நிகழ்ச்சியில் கலந்து கொண்ட மோனிஷா, ஜிபி முத்து, பரத் உள்பட சிலரையும் அவர் அழைத்துக் கொண்டு சென்று இருப்பதால் அந்த நிகழ்ச்சி சூப்பர் ஹிட் ஆகும் என்று எதிர்பார்க்கப்படுகிறது.
இந்த நிலையில் செஃப் வெங்கடேஷ் பட் சமூக வலைதளத்தில் குறிப்பாக இன்ஸ்டாகிராமில் பிரபலம் என்பதும் ஒரு மில்லியனுக்கு மேல் அவருக்கு ஃபாலோயர்கள் உள்ளனர் என்பது குறிப்பிடத்தக்கது. இந்த நிலையில் சற்றுமுன் அவர் தனது மனைவியுடன் சுற்றுலா சென்ற வீடியோவை பதிவு செய்துள்ளார்.
அந்த வீடியோவின் கேப்ஷனாக ‘எவ்வளவு சண்டை போட்டாலும், பொண்டாட்டி அடிச்சாலும், அதை எல்லாம் தாங்கி, சிரிக்கிறவன் தான் நல்ல புருஷன்’ என்று பதிவு செய்துள்ளார். இதனை அடுத்து வெங்கடேஷ் பட் பொண்டாட்டி இடம் அடி வாங்குவாரா? என்பது உள்பட பல்வேறு கமெண்ட் பதிவாகி வருகிறது என்றாலும் இந்த ரொமான்ஸ் வீடியோ இணையத்தில் வைரல் ஆகி வருகிறது என்பது குறிப்பிடத்தக்கது.