ప‌వ‌ర్‌స్టార్ ప‌వ‌న్‌క‌ల్యాణ్ 27వ చిత్రంగా క్రిష్ ద‌ర్శ‌క‌త్వంలో సినిమా రూపొందుతోన్న సంగ‌తి తెలిసిందే. కోవిడ్ ముందు ప్రారంభ‌మైన ఈ చిత్రం.. కోవిడ్ నేప‌థ్యంలో ఆగింది. రీసెంట్‌గా షూటింగ్ పునః ప్రారంభ‌మైంది. ‘వ‌కీల్‌సాబ్’‌ను ముందు పూర్తి చేసిన ప‌వ‌న్‌క‌ల్యాణ్ ఇప్పుడు రెండు సినిమాల‌ను లైన్‌లో పెట్టాడు. అందులో ఒక‌టి క్రిష్ ద‌ర్శ‌క‌త్వంలో రూపొందుతోన్న సినిమా కాగా.. మ‌రో చిత్రం సితార ఎంట‌ర్‌టైన్మెంట్స్ బ్యాన‌ర్‌లో నిర్మిమ‌త‌వుతున్న ‘అయ్య‌ప్ప‌నుమ్ కోశియ‌మ్’ రీమేక్‌. ఇందులో క్రిష్ సినిమా విష‌యానికి వ‌స్తే.. ప‌వ‌న్‌క‌ల్యాణ్ ఈ చిత్రంలో ప్ర‌జ‌ల‌కు అండ‌గా నిల‌బ‌డే బందిపోటు పాత్ర‌లో క‌నిపిస్తార‌ని వార్త‌లు వినిపిస్తున్నాయి.

‘హరిహర వీరమల్లు’ అనే టైటిల్ పరిశీలనలో ఉన్న‌ట్లు వార్త‌లు వినిపిస్తున్నాయి. కాగా.. ఈ సినిమా కొత్త షెడ్యూల్ ప్లానింగ్ పూర్త‌య్యింది. ఫిబ్ర‌వ‌రి 19 నుంచి ఈ షెడ్యూల్ ప్రారంభం అవుతుంద‌ని స‌మాచారం. కాగా.. ఈ సినిమా కోసం భారీ చార్మినార్ సెట్‌ను వేస్తున్నారు. 17వ శ‌తాబ్దానికి చెందిన మొఘ‌ల్ చ‌క్ర‌వ‌ర్తి జౌరంగ‌జేబు కాలంలో జ‌రిగే క‌థ‌గా ఈ సినిమాను తెర‌కెక్కిస్తుండ‌గా బాలీవుడ్ స్టార్ అర్జున్ రాంపాల్ ఇందులో మొఘ‌ల్ చ‌క్ర‌వ‌ర్తిగా న‌టిస్తున్నారు. నిధి అగ‌ర్వాల్‌, జాక్వ‌లైన్ ఫెర్నాండెజ్ హీరోయిన్స్‌గా న‌టిస్తున్నారు.