பிரபுதேவா, பிரபு நடித்த 'சார்லி சாப்ளின்' திரைப்படம் கடந்த 2002ஆம் ஆண்டு வெளிவந்து வெற்றி பெற்ற நிலையில் இந்த' படத்தின் இரண்டாம் பாகமான 'சார்லி சாப்ளின் 2' திரைப்படம் கடந்த சில மாதங்களாக உருவாகி தற்போது ரிலீசுக்கு தயாராகிவிட்டது. இந்த படத்தை முதல் பாகத்தை இயக்கிய ஷக்தி சிதம்பரம் இயக்கி உள்ளார்.

இந்த நிலையில் இந்த படம் இன்று சென்சாருக்கு சென்று சென்சார் அதிகாரிகளால் 'யூ' சான்றிதழ் பெற்றுள்ளது. சமீபகாலமாக பெரும்பாலான படங்கள் 'யூஏ' சான்றிதழை பெற்றுள்ள நிலையில் இந்த படம் 'யூ' சான்றிதழ் பெற்றுள்ளது என்பது குறிப்பிடத்தக்கது.

அம்மா கிரியேஷன்ஸ் டி.சிவா தயாரித்துள்ள இந்த படத்தில் .பிரபுதேவா, பிரபு, நிக்கி கல்ராணி, அதா சர்மா, சந்தனா, அரவிந்த் ஆகாஷ், விவேக் பிரசன்னா, செந்தில், ரவிமரியா, கிரேன் மனோகர், செந்தி, சாம்ஸ், காவ்யா, அமீத் ,பார்கவ், கோலிசோடா சீதா மற்றும் பலர் நடித்துள்ளனர். மேலும் தயாரிப்பாளர் டி.சிவாவும் படத்தில் ஒரு முக்கிய வேடத்தில் நடித்திருக்கிறார்.

அம்ரிஷ் இசையில் செளந்தர்ராஜன் ஒளிபதிவில், சசிகுமார் படத்தொகுப்பில் இந்த படம் உருவாகியுள்ளது. இந்த படத்தின் ரிலீஸ் தேதி மிக விரைவில் அறிவிக்கப்படவுள்ளது.