సాలా ఖ‌ద్దూస్ చిత్రంతో రీల్ టైమ్ బాక్స‌ర్‌గా న‌టించిన రియ‌ల్ బాక్స‌ర్ రితిక సింగ్ వ‌రుస‌గా సినిమాల్లో న‌టిస్తూ బిజీగా ఉంది. ఇప్పుడు తెలుగులో వెంక‌టేష్‌తో సాలాఖ‌ద్దూస్ రీమేక్ గురులో నటిస్తుంది. అలాగే లారెన్స్ హీరోగా పి.వాసు ద‌ర్శ‌క‌త్వంలో అభిషేక్ ఫిలింస్ నిర్మిస్తున్న క‌న్నడ చిత్రం శివ‌లింగ రీమేక్‌లో హ‌రోయిన్‌గా న‌టిస్తుంది.

ఇప్పుడు రితిక సింగ్ అర‌వింద‌స్వామితో జ‌త క‌ట్ట‌నుంది. ఓ ఐ.పి.య‌స్ ఆఫీస‌ర్ జీవితంలోని వివిధ ద‌శ‌లను గురించి తెలియ‌జేసే ఈ చిత్రంలో అర‌వింద‌స్వామి న‌టిస్తున్నాడు. సెల్వ అనే ద‌ర్శ‌కుడు ఈ సినిమాను తెర‌కెక్కిస్తున్నాడు. చాలా సంవ‌త్స‌రాలు త‌ర్వాత త‌మిళంలో త‌ని ఒరువ‌న్‌, తెలుగులో ధృవ చిత్రాల‌తో విల‌న్‌గా అర‌వింద‌స్వామి రీ ఎంట్రీ ఇచ్చిన సంగ‌తి తెలిసిందే. అర‌వింద‌స్వామి వ‌రుస సినిమాల‌ను ప్లాన్ చేస్తున్నాడు.