'ఎవ‌డు' త‌రువాత స‌రైన విజ‌యం అందుకోలేక‌పోయిన‌ రామ్‌చ‌ర‌ణ్.. త‌న కొత్త చిత్రంపై బోలెడు ఆశ‌ల‌ను పెట్టుకున్నాడు. సురేంద‌ర్ రెడ్డి ద‌ర్శ‌క‌త్వంలో రూపొందుతున్న ఈ సినిమా.. త‌మిళంలో విజ‌యం సాధించిన 'త‌ని ఒరువ‌న్‌'కి రీమేక్‌గా తెర‌కెక్కుతున్న సంగ‌తి తెలిసిందే. ఈ సినిమాలో చ‌ర‌ణ్‌కి జోడీగా ర‌కుల్ ప్రీత్ సింగ్ న‌టిస్తున్న సంగ‌తి తెలిసిందే.

చ‌ర‌ణ్‌తో ర‌కుల్ జ‌త‌క‌ట్టిన 'బ్రూస్ లీ' ప‌రాజ‌యం పాలైనా.. త‌న ద‌ర్శ‌క‌త్వంలో ర‌కుల్ న‌టించిన 'కిక్ 2' ఫెయిలైనా.. ఆమెకి వెంట‌నే మ‌రో అవ‌కాశం ఇవ్వ‌డానికి సురేంద‌ర్ రెడ్డికున్న సెంటిమెంట్ కూడా ఓ కార‌ణ‌మ‌ని ఇన్‌సైడ్ వ‌ర్గాలు పేర్కొంటున్నాయి. ఇంత‌కీ అదేమిటంటే.. సురేంద‌ర్ హిట్ చిత్రాల‌లో ఒక‌టైన 'కిక్' కోసం కూడా.. 'ఖ‌తర్నాక్' సినిమాతో ఫ్లాప్ పెయిర్‌గా పేరు తెచ్చుకున్న ర‌వితేజ‌, ఇలియానా ని జోడీ చేసి హిట్ కొట్టిన వైనం. ఇప్పుడు ఇదే ఫార్ములాని 'బ్రూస్‌లీ'తో ఫ్లాప్ పెయిర్‌గా నిలిచిన చ‌ర‌ణ్‌, ర‌కుల్‌కి అప్ల‌య్ చేసి.. త‌న హిట్ సెంటిమెంట్‌ని మ‌రోసారి రిపీట్ చేసే ప‌నిలో ఉన్నాడ‌ట సూరి.