మెగాప‌వ‌ర్ స్టార్ రాంచ‌ర‌ణ్, సురేంద‌ర్‌రెడ్డి కాంబినేష‌న్‌లో రూపొందుతోన్న చిత్రం ధృవ‌`. తమిళ చిత్రం తనీ ఒరువన్ కు ఇది రీమేక్. ర‌కుల్ ప్రీత్ సింగ్ హీరోయిన్‌గా నటిస్తున్న ఈ చిత్రంలో అర‌వింద్ స్వామి నెగ‌టివ్ రోల్ చేస్తున్నాడు. ప్ర‌స్తుతం ఈ చిత్రం చిత్రీక‌ర‌ణ ద‌శ‌లో ఉంది. అన్నీ కార్య‌క్ర‌మాల‌ను పూర్తి చేసి ఈ సినిమాను సెప్టెంబ‌ర్ 30న విడుద‌ల చేయాల‌ని నిర్మాత‌లు భావిస్తున్నారు.

అయితే ఈ చిత్రంలో రాంచ‌ర‌ణ్ ఐపియ‌స్ ఆఫీస‌ర్ పాత్ర‌లో క‌న‌ప‌డుతున్నాడ‌ట‌. పాత్ర కోసం రాంచ‌ర‌ణ్ జ‌పాన్‌కు చెందిన మార్ష‌ల్ ఆర్ట్ ఐకిడోను నేర్చుకుంటున్నాడ‌ట‌. అందుకోసం ఓ ట్రైన‌ర్‌ను కూడా నియ‌మించుకున్నాడ‌ని వార్త‌లు విన‌ప‌డుతున్నాయి. శ‌త్రువులు దాడి చేసిన‌ప్పుడు స‌మ‌ర్ధ‌వంతంగా అడ్డుకోగ‌ల మార్ష‌ల్ ఆర్ట్స్‌లో ఐకిడో ఒక‌టి. గ‌తంలో ప‌వ‌న్ క‌ల్యాణ్ కూడా జానీ సినిమా కోసం ఇలాంటి మార్ష‌ల్ ఆర్ట్స్‌ ను ప్ర‌త్యేకంగా నేర్చుకున్నాడు. ఇప్పుడు చ‌ర‌ణ్ కూడా బాబాయ్‌నే ఫాలో అవుతున్నాడు మ‌రి...