మెగాస్టార్ పుట్టిన‌రోజును భారీగా నిర్వ‌హించేందుకు చ‌ర‌ణ్ ప్లాన్ చేస్తున్నారు. ఇప్ప‌టికే పుట్టిన‌రోజు ఏర్పాట్లు గురించి చ‌ర్చించేందుకు చ‌ర‌ణ్ ఫ్యాన్స్ ని మీట్ అయిన విష‌యం తెలిసిందే. ఇదిలా ఉంటే...చిరు పుట్టిన‌రోజు నాడు ఫ్యాన్స్ కి చ‌ర‌ణ్ ఓ గిఫ్ట్ ఇవ్వ‌నున్నాడు. ఇంత‌కీ చ‌ర‌ణ్ ఫ్యాన్స్ కి ఇచ్చే గిఫ్ట్ ఏమిటంటే...రామ్ చ‌ర‌ణ్ న‌టిస్తున్న తాజా చిత్రం థృవ. శ‌ర‌వేగంగా షూటింగ్ జరుపుకుంటున్న థృవ‌ ఫ‌స్ట్ టీజ‌ర్ ను చిరంజీవి పుట్టిన‌రోజైన ఆగ‌ష్టు 22న రిలీజ్ చేయ‌డానికి ప్లాన్ చేస్తున్నాడు. త‌ని ఓరువ‌న్ రీమేక్ గా రూపొందుతున్న థృవ చిత్రాన్ని సురేంద‌ర్ రెడ్డి తెర‌కెక్కిస్తున్నారు. గీతా ఆర్ట్స్ బ్యాన‌ర్ పై అల్లు అర‌వింద్ ఈ చిత్రాన్ని నిర్మిస్తున్నారు. ఈ క్రేజీ మూవీని ద‌స‌రా కానుక‌గా అక్టోబ‌ర్ 7న రిలీజ్ చేయ‌నున్న‌ట్టు స‌మాచారం.