கடந்த சில நாட்களாகவே தமிழகத்தில் கொரோனா வைரஸ் மிக வேகமாக பரவி வரும் நிலையில் தற்போது பத்திரிகையாளர்களையும் கொரோனா வைரஸ் தாக்க தொடங்கிவிட்டது. இதனை அடுத்து தற்போது பத்திரிகையாளர் சந்திப்புகள் ரத்து செய்யப்பட்டு வருகிறது என்பது குறிப்பிடத்தக்கது.

இந்த நிலையில் தனியார் செய்தி தொலைக்காட்சி சேனல் ஒன்றில் பணிபுரியும் சிலருக்கு 96 பேர்களுக்கு கொரோனா வைரஸ் அறிகுறி இருந்ததாக கூறப்பட்டது. இதனையடுத்து அவர்கள் அனைவருக்கும் ஒரு மருத்துவ குழுவினர் பரிசோதனை செய்த நிலையில் அவர்களில் 26 பேர்களுக்கு கொரோனா தொற்று இருப்பது தற்போது உறுதி செய்யப்பட்டுள்ளது. இதனை அடுத்து கொரோனாவால் பாதிக்கப்பட்ட 26 பேரையும் உடனடியாக அரசு மருத்துவமனையில் உள்ள கொரோனா தனி வார்டில் அனுமதிக்கப்பட்டு சிகிச்சை பெற்று வருகின்றனர்.

மேலும் இந்த 26 பேர்களும் தொடர்பில் இருந்தவர்களும் கண்காணிக்கப்பட்டு வருகின்றனர் என்பது குறிப்பிடத்தக்கது. ஏற்கனவே சென்னையில் 2 செய்தியாளர்களுக்கு கொரோனா பாதிக்கப்பட்டு அவர்கள் கொரோனா தனி வார்டில் சிகிச்சை பெற்று வருகின்றனர் என்பது குறிப்பிடத்தக்கது.

இந்த நிலையில் பத்திரிகையாளர்கள் அனைவரும் சமூக விலகலை கடைபிடித்து ஜாக்கிரதையாக செய்தி சேகரிக்க வேண்டும் என்று அறிவுறுத்தப்பட்டு வருகிறது.